«Mass-media» turaly zaŋ jobasy Mäjılıstegı bırınşı oqylymda maqūldandy, dep habarlaidy «Adyrna» tılşısı.
Qūjatty Mädeniet jäne aqparat ministrı Aida Balaeva tanystyrdy.
«Ministrlık zaŋ jobasyn memleket müddesın, qoǧam sūranysyn jäne media salasynyŋ damu tendensiialaryn eskere otyryp äzırledı. Ony daiyndau barysynda Europa elderınıŋ halyqaralyq täjıribesı, Bırıkken Ūlttar ūiymy men Europadaǧy qauıpsızdık jäne yntymaqtastyq ūiymynyŋ strategiialyq qūjattary jan-jaqty zerdelendı»,—dedı ol.Aituynşa, zaŋ jobasynyŋ negızgı maqsaty – söz bostandyǧyn, aqparattyq qauıpsızdıktı qamtamasyz etu, äsırese jurnalisterdıŋ märtebesın arttyru jäne memlekettık tiımdı aqparattyq saiasatty qalyptastyru. Sondai-aq ministr jaŋa zaŋ jobasyna säikes BAQ-tyŋ resmi saualyna jauap beru merzımı 7 künnen 5 künge qysqaratynyn atap öttı. Būdan bölek otandyq teleradio habar taratatyn sputniktık operatorlardyŋ şyǧyndarynyŋ bır bölıgı subsidiialanady. Al 2025 jyldan bastap memlekettık emes BAQ respublikalyq deŋgeide granttyq qarjylandyruǧa köşetın bolady. Aita keteiık, ekınşı oqylymǧa deiın jūmys toby tiıstı memlekettık organdarmen zaŋ jobasyn talqylaidy.
