Almatydaǧy Artmeken Gallery zamanaui öner galereiasynda Äsel Kenjetaeva men müsınşı Sanjar Dosmaǧambetovtyŋ «Qauıptı bailanystar» atty körmesı öttı, dep habarlaidy «Adyrna» ūlttyq portaly InformBuro saityna sılteme jasap.
Körmenıŋ basty taqyryby – tūrmystyq zorlyq-zombylyq mäselelerı men qazırgı qazaq qoǧamyndaǧy äieldıŋ beinesı. Ekspozisiia avtorlary Äsel men Sanjar – erlı-zaiypty. «Körme atyşuly kısı ölımımen bailanysty dep oilamaŋyzdar, qazan aiynda bärın oilastyryp qoiǧanbyz. Alaida körmenıŋ teŋsızdıkpen, qazaqstandyqtar bastan keşetın zorlyq-zombylyqpen bailanysty ekenı ras. Ükımettık emes ūiymdardyŋ baǧalauynşa, elımızde jyl saiyn 400 äiel jūbaiynyŋ zorlyq-zombylyǧynan köz jūmady. Äseldıŋ jūmystaryn sızder körgensızder, alaida qazırgı künı özektı bolyp otyrǧan soŋ qaitalaudy jön kördık. Būl – dästür men qazırgı zaman arasynda äjelerı men atalary siiaqty ömır süre almaityn äielder turaly», – deidı körmenıŋ kuratory, önertanuşy Valeriia İbraeva. Surettegı äielderdıŋ taqqan äşekeilerı qanşalyqty ädemı bolsa da, äieldıŋ ünın şyǧarmai, tūnşyqtyratynyn, arqalaǧan jasaulary qanşalyqty qymbat bolsa da, äieldı kısendep, onyŋ iyǧyna artylǧan auyr jüktı beineleidı dep oiyn jetkızedı önertanuşy.
Sanjar Dosmaǧambetovtyŋ «7UIаTOFF» dep atalatyn jūmystarynda zorlyq-zombylyq taqyryby anyq körınedı. Müsınderdıŋ denesı arqanǧa bailanyp tūr. Avtordyŋ aituynşa, müsınder jobasy üş jyl boiy jalǧasyp keledı. Aldymen pışınder qūrastyrylǧan, keiın skanerden ötkızılıp, kompiuter arqyly öŋdelıp, keiın baryp basuǧa jıberılgen. Eŋ qiyny – soŋǧy kezeŋ, öitkenı Qazaqstanda 3D-printerde müsın jasap körgen adam joq, Sanjardyŋ toby būl tūrǧyda bırınşı bolyp köş bastaǧan.
«Alǧaşqy müsın Qūdai boldy. Ol adamdy topyraqtan jaratty. Sondyqtan men jūmys ıstep jatqanda onyŋ bar ekenın sezınemın. Jasap jatqanda anatomiia men plastika turaly oilamaisyŋ, alaida jūmys bıtken soŋ sen üşın bıreu osyndai tamaşa tuyndy jasap şyqqanyn tüsınesıŋ», – deidı Sanjar.
«Mahabbat degen ne? Mahabbat degen – Qūdaidyŋ özı! Pışınder mahabbatpen jasalǧan, sondyqtan da äiel men jahannyŋ sūlulyǧy älemdı qūtqaratynyna senemın», – deidı säuletşı.
Önertanuşy Valeriianyŋ aituynşa, müsınder arqannan bosap, erkındıkke şyqqysy kelıp būlqynyp tūrǧan tärızdı.
«Körme şeşım bermeidı, alaida ol elımızdegı äieldıŋ ornyna nazar audartady. Zorlyq-zombylyq, qysym, teŋsızdık – BAQ pen äleumettık jelı betterınde köp köterıletın taqyryptar. Äsırese, Qazaqstanda bolǧan soŋǧy jaittardan keiın», – deidı körme kuratory Valeriia İbraeva.
Al Sanjardyŋ sözınşe, äielge degen qarym-qatynas – qoǧamnyŋ deŋgeiın körsetedı.
«Adyrna» ūlttyq portaly
Ūqsas jaŋalyqtar
