Almatynyŋ Nauryzbai audanynda 1290 oquşyǧa arnalǧan №41 jaŋa mektep aşyldy.
Jaqyn künderı №223 mekteptıŋ aşylyp, «Şūǧyla» şaǧynaudanynda №15 mektep-internat paidalanuǧa berıledı dep josparlanyp otyr. Būl turaly qalalyq bılım basqarmasynyŋ ökılderı habarlady.
2025 jyly Almatyda şamamen 40 myŋ orynǧa arnalǧan 38 bılım beru nysany paidalanuǧa berıldı. Olardyŋ qatarynda «Keleşek mektepterı» ūlttyq jobasy aiasynda salynǧan 20 mektep, qoldanystaǧy mektepterge qosymşa ǧimarattar, 7 balabaqşa jäne tehnikalyq ärı käsıptık bılım beru mekemelerı bar.
Äleumettık infraqūrylymdy damytu jūmystary halyq sanynyŋ ösu qarqynyn eskere otyryp jürgızılıp jatyr. 2030 jylǧa deiıngı qajettılık kartalary äzırlengen, onda mektepter, balabaqşalar, qosymşa bılım beru nysandary men tehnikalyq jäne käsıptık bılım beru (TjKB) jüiesıne arnalǧan jataqhanalar qūrylysy qamtylǧan.
Bügınde Nauryzbai audanynda 30,5 myŋ orynǧa arnalǧan 15 memlekettık mektep jūmys ısteidı. Soǧan qaramastan şamamen 3 myŋ oquşy ornyna tapşylyq saqtalyp otyr.
Osyǧan orai, qarqyndy qūrylys jürıp jatqan aumaqtarda 5 jaŋa mektep salu josparlanǧan. Atap aitqanda, Altyn Orda, Abai, Alatau köşelerınıŋ maŋy, sondai-aq Qalqaman, Tau Samal şaǧynaudandary men «Dästür» jäne «Lancashire» tūrǧyn üi keşenderı qamtylmaq.
Sonymen qatar balabaqşa qūrylysy da qatar jürgızılude. Qazırgı uaqytta jalpy syiymdylyǧy 880 oryn bolatyn 3 nysanda qūrylys jūmystary qarqyndy jürıp jatyr. Al bolaşaqta taǧy 7 mektepke deiıngı mekeme salu josparlanǧan.
«Nauryzbai audanynda jaŋa mekteptıŋ aşyluy — Almatynyŋ äleumettık infraqūrylymyn jüielı damytuǧa baǧyttalǧan auqymdy jospardyŋ bır bölıgı. Bız jekelegen mäselelerdı şeşu täsılınen ūzaq merzımdı strategiialyq josparlauǧa köştık. 2030 jylǧa deiıngı qajettılık kartalary aldaǧy jyldardaǧy demografiialyq jüktemenı däl boljauǧa jäne bılım nysandaryn aldaǧy 2-3 jylda sūranys joǧary bolatyn jerlerde saluǧa mümkındık beredı», – dedı Almaty qalasy Bılım basqarmasynyŋ ökılderı.
