Almatyda 4 onlain kazino jabyldy

Almatyda zaŋsyz oiyn biznesı boiynşa 5 qylmystyq ıs tırkeldı. Būl turaly öŋırlık kommunikasiialar qyzmetınıŋ brifingınde Almaty qalasy boiynşa Ekonomikalyq tergep-tekseru departamentınıŋ tergeu basqarmasy basşysy Säken Qondybaev mälımdedı, dep habarlaidy “Adyrna” ūlttyq portaly. Säken Qondybaev ekonomikalyq tergeu departamentınıŋ basym mındetterınıŋ bırı zaŋsyz oiyn biznesımen küres ekenın atap öttı. «Zaŋnyŋ 11-babyna säikes kazino men oiyn avtomattarynyŋ zaldaryn Almaty oblysynda (Qapşaǧai) jäne Aqmola oblysynda (Şuche audany) ornalastyruǧa bolady. Basqa jerlerde aşu zaŋsyz dep tanylady», - dedı ol. Sondai-aq, zaŋsyz jūmys ıstegen 4 onlain kazino men bır oiyn zaly jabyldy. «Byltyr zaŋsyz qūmar oiyn ūiymdastyru ısı boiynşa 14 faktı anyqtaldy. Ūiymdastyruşylar qylmystyq jauapkerşılıkke tartyldy», - deidı Ekonomikalyq tergep-tekseru departamentınıŋ basşysy. Ol sala mamandary qazır Memleket basşysy qol qoiǧan jaŋa zaŋ aiasynda jūmystar jürgızıp jatqanyn jetkızdı. Mäselen, qyrküiekten bastap bukmekerler men totalizatorlardy jarnamalauǧa resmi türde tyiym salynady. Olar tek sport ǧimarattarynda, sportşylar kiımı men halyqaralyq jarystarda ǧana jarnama jasai alady. Bıraq 21 jasqa tolmaǧandar, boryşkerler, memlekettık, äskeri jäne qūqyq qorǧau organdarynyŋ qyzmetkerlerı men biudjettık kompaniia basşylary bäs tıge almaidy. «Lotereia qyzmetın retteu tetıkterı jaŋartylǧan. Naqtyraq aitqanda, tūrǧyn üilerde, jataqhanalarda, mädeni ūiymdardyŋ ǧimarattary men äleumettık nysandarda, bılım beru, densaulyq saqtau sondai aq 100 metr qaşyqtyqta lotereia biletterın taratuǧa jäne lotereia terminaldaryn ornatuǧa tyiym salynǧan», - dedı ol.