Aqyn, jazýshy Ularbek Dáleıulynyń hıkaıalar jınaǵy oqyrmanǵa jol tartty, dep habarlaıdy "Adyrna" tilshisi Kazinform-ǵa siltep.
Ularbek Dáleıulynyń sý jańa jınaǵy - «Qarǵybaýly qasqyr». Týyndynyń tusaýkeseri Astanadaǵy Ulttyq akademııalyq kitaphanada ótti.
«Qarǵybaýly qasqyr» atty kitapta qazaq halqynyń ejelgi tarıhy, taıtalasqa toly aýyr taǵdyr, soǵystaǵy erlikter men ór rýhty halyqtyń ǵumyry baıandaldy.
Avtordyń sózinshe, bul kitapty jazýdaǵy maqsat — qazirgi san taraýǵa bólingen qoǵamdi biriktirý, sondaı-aq ósip kele jatqan jas jigitterdiń namys jigerin oıatý bolǵan.
«Meniń basty maqsatym — óziniń ulttyq rýhynan adasyp, sana túrli baǵytqa bólinip bara jatqan zamandastarymnyń basyn biriktirýge umtylý. Sonymen qatar, ósip kele jatqan jas urpaqtyń ulttyq sanasyna silkinis jasaý bolatyn. Sol úshin ótken ǵasyrda arǵy bettegi qazaqtardyń jaýmen kúresýdegi erekshe erlikterin tarıhı derekterge súıene otyryp jazyp shyqtym. Osy aldyǵa qoıǵan josparym oryndaldy dep oılaımyn, óıtkeni kitapty oqyǵan barlyq oqyrmandarym joǵary baǵasyn berip jatyr», - deıdi avtor Ularbek Dáleıuly.
«Qarǵybaýly qasqyr» atty jınaqtyń tusaýkeserine májilis depýtattary Qazybek Isa men Abzal Quspan, zııaly qaýym ókilderi qatysqan.
