Qoǵamdyq densaýlyq saqtaý ulttyq ortalyǵynyń basqarma tóraǵasy Manar Smaǵul Qazaqstannyń qaı óńirinde qyzylsha aýrýy jıilep ketkenin aıtty, - dep habarlaıdy "Adyrna" tilshisi.
Onyń aıtýynsha, eldegi qyzylshaǵa qatysty qazirgi epıdemıologııalyq jaǵdaı kúrdeli kúıinde qalyp otyr.
"2023 jyldyń basynan beri respýblıkada qyzylshamen aýyrý boıynsha 20 188 jaǵdaı tirkeldi. Onyń 81 paıyzy 14 jasqa deıingi balalarda, ıaǵnı 16 351 jaǵdaı. Jasóspirimder arasynda 706 jaǵdaı tirkeldi, bul 3,4 paıyz, 15,4 paıyzdy eresek turǵyndar quraıdy, ıaǵnı 18 jastan asqandar arasynda tirkeldi – 3131 jaǵdaı tirkeldi. Barlyq oblystarda qyzylsha aýrýy tirkeldi. Aýrýdyń eń joǵary deńgeıi Shymkentte – 3069 jaǵdaı, 100 myń turǵynǵa shaqqandaǵy kórsetkish – 263,5, Almatyda – 3010, Almaty oblysynda – 1812 jaǵdaı, Jambylda – 2724, Mańǵystaýda – 1701, Atyraýda – 1377, Aqtóbede – 5,8 adam. Qyzylorda oblysynda – 1182 jaǵdaı», - dedi Smaǵul.
Onyń aıtýynsha, elimizde kún saıyn qyzylshamen aýyratyn 350-ge jýyq jaǵdaı tirkelýde jáne negizgi aýrý ekpe almaǵan adamdarda kezdesedi.
Uıymdasqan toptarda, ıaǵnı elimizdegi 643 mektepte qyzylshamen aýyrǵan 1466 jaǵdaı tirkeldi. Smaǵul atap ótkendeı, baılanysta bolǵandar sany 20 myńnan asady, al alǵashqy 72 saǵatta epıdemıologııalyq kórsetkishter boıynsha 3898 adam ekpe aldy.
«Sonymen qatar, baılanysta bolǵandar arasynda ekpeden bas tartý faktileri tirkelýde – búgingi kúni bul 967 jaǵdaı, al taǵy 724 baılanysta medıınalyq jeńildikter bar. Mektepke deıingi mekemelerde búginde 827 mekemede 1662 jaǵdaı anyqtaldy. Qazirgi ýaqytta baılanysta bolǵandar arasynda epıdemıologııalyq kórsetkish boıynsha 1 442 adam egildi, ekpeden bas tartý jaǵdaılary da bar: 523 bas tartý tirkeldi, 371 bala medıınalyq jeńildikke ıe boldy», - dep qosty Manar Smaǵul.
