Qaraǧandydaǧy Kostenko şahtasynda mert bolǧan şahterlerdıŋ tuystary ündeu jasady, dep habarlaidy "Adyrna" ūlttyq portaly. Būl turaly Jan Ahmadiev özınıŋ äleumettık jelıdegı paraqşasynda bölıstı.
Qaza tapqan şahterlerdıŋ bırınıŋ tuysy videohabarlama tüsırıp, bilık tarapynan uäde etılgen qarajattyŋ berılmegenın, kömek qolyn sozǧan kompaniia äkımdık qoryna bergenderın aityp, älı aqşalai kömekke qol jetkıze almai otyrǧandaryn baiandaǧan.
"Qaiǧy keşıp otyrǧan otbasylardyŋ köbınıŋ jaǧdaiy naşar. Bırı köpbalaly, bırınıŋ balalarynyŋ densaulyǧynyŋ aqaulyqtary bar taǧysyn-taǧy. Bız 400 million teŋge bölgen kompaniiaǧa habarlasyp qarajat sūraǧanymyzda, äkımdıkke audardyq dedı. Al äkımdık jauapsyz qalyp otyr", dedı videodaǧy äiel.
Eske sala keteiık, barlyq 46 otbasyn BJZQ-dan jerleuge bırjolǧy tölem berılgen bolatyn. Kämeletke tolmaǧan jäne 23 jasqa deiıngı joǧary oqu oryndarynda oqityn balalary bar 20 otbasyna asyrauşysynan airylu jaǧdaiy boiynşa memlekettık äleumettık järdemaqy taǧaiyndaldy. Memleket qaza tapqan kenşılerdıŋ otbasylaryna ärı qarai da qoldau körsetedı dep sendırdı. "ArselorMittal Temırtau" kompaniiasy öz tarapynan 44 otbasyǧa 10 jyldyq jalaqy töleitınderın aitty. Qaza tapqan kenşılerdıŋ, olardyŋ jūbaiynyŋ, ata-analary men balalarynyŋ nesielerı öteletını taǧy aityldy. Sondai-aq, jūmys beruşı är otbasy müşesıne kemınde 18 şarşy metr bolatyn päter satyp äperetını aitylǧan bolatynPosmotret etu publikasiiu v Instagram
Ūqsas jaŋalyqtar
