Astana polıııa departamenti avtokólik jýýshy kólikten klıenttiń banktik kartasyn urlap, aqshasyn jumsaǵany týraly málimdedi, dep habarlaıdy «Adyrna» ulttyq portaly.
Vedomstvonyń baspasóz qyzmetiniń habarlaýynsha, polıııaǵa qala turǵyny aryz bildirip, onyń banktik kartasyn belgisiz adam paıdalanǵanyn habarlaǵan.
«Saryarqa aýdandyq IIB oblystyq krımınaldyq polıııa basqarmasynyń qyzmetkerleri jedel izdestirý is-sharalary barysynda 39 jastaǵy qala turǵynyn kúdikti dep anyqtady. Anyqtalǵandaı, jábirlenýshi keshki ýaqytta kólik jýý ornyna toqtap, kólikti tastap ketken. Biraz ýaqyttan keıin kólikti alyp ketip qalady. Kelesi kúni onyń telefonyna kartasynan aqsha jumsalǵany týraly habarlamalar kele bastady. Kartochkasy joq ekenin bilgen ol polıııaǵa habarlasqan. Tártip saqshylary urlyqqa kólik jýý mekemesiniń qyzmetkeriniń qatysy baryn anyqtady», - delingen polıııa habarlamasynda.
Atalǵan fakti boıynsha QK-niń 188-baby «urlyq» boıynsha sotqa deıingi tergeý júrgizilip jatqany, er adam jasalǵan qylmysty moıyndaǵany atap ótildi.
Polıııa onyń elorda aýmaǵynda jasalǵan basqa da osyndaı qylmystarǵa qatystylyǵyn tekserýde. Astana qalasynyń polıııa departamenti azamattardy muqııat bolýǵa jáne baǵaly zattardy qaraýsyz qaldyrmaýǵa shaqyrady.
«Adyrna» ulttyq portaly
