Búgin - Alashordanyń ádilet mınıstri bolǵan, 1-2 memlekettik Dýmanyń múshesi bolǵan zańger Ahmet Birimjanovtyń týǵan kúni.
Birimjanov Ahmet Qorǵanbekuly - 1871 jyly Torǵaı ýezi Tosyn bolysynyń №1 aýylynda dúnıege kelgen qoǵam qaıratkeri, Alashorda úkimetiniń múshesi, zańger. Shaqshaq Jánibek batyrdyń tikeleı urpaǵy.
Halyq ortasynda ádildigimen kóringen qaıratker Torǵaı oblysynan 1906-1907 jyldary Reseıdiń I jáne II Memlekettik Dýmalaryna depýtat bolyp saılanǵan. Dýmada ol musylman frakııasynyń belsendi múshesi bolǵan. I Dýmanyń májilisinde qazaq depýtattaryn agrarlyq komıssııaǵa engizý týraly másele qoıǵan. 1906 jyly Qazaq dalasyna zańsyz ornalasýshylar men olardyń orynsyz basyp alynǵan jerleri týraly bir top qaıratkerlermen birge Mınıstrler keńesine suraý salady. II Dýmada qazaqtyń jerine baılanysty naqty másele kóterip, musylman frakııasynyń qatysýymen agrarlyq zań jobasyn daıarlaýǵa qatysqan.
1917 jyly kóktemnen bastap, Ýaqytsha úkimettiń Torǵaı ýezdik komıssary, keıinnen Ýaqytsha úkimettiń Qostanaı ýezdik komıssary bolyp taǵaıyndalǵan. 1917 jyly 21-26 shilde aralyǵynda Orynborda ótken birinshi jalpyqazaq sezinde Torǵaı oblysy qazaqtarynyń atynan Búkilreseılik quryltaıǵa depýtat bolyp saılanyp, Ekinshi jalpyqazaq sezinde A.Birimjanov Alashorda úkimeti - Ult Keńesiniń quramyna saılanǵan. Sol jylǵy jeltoqsanda ol «Alash» partııasynyń Torǵaı oblystyq komıteti 14 múshesiniń biri bolǵan. Alashorda úkimeti músheleriniń Ýfada ótken keńesine qatysyp, Alashorda ádilet mınıstri bolǵan.
1918-1926 jyldary Semeıdiń zań keńesshisi, Orynbor men Qyzylorda qalalary Qazaq AKSR-i Ishki ister, Zań halyq komıtetteriniń, Joǵarǵy Sot Tóralqasynyń keńesshisi, alqa múshesi, bólim meńgerýshisi qyzmetterin atqarǵan.
A.Birimjanov 1927 jyly Lenıngradta (Sankt-Peterbor) qaıtys bolyp, Volkov zıratyna jerlengen.
Otbasynda áıeli Gúljaýhar - Əbilqaıyr hannyń shóberesi. Uly Batyrbek (1911-1985) - hımık, aspırant. Ál-Farabı atyndaǵy Qazaq ulttyq ýnıversıtetiniń hımııa fakýltetiniń dekany. Qyzy Ińkər (1915-2002) - muǵalim, ǵylym doktory, AMMI-nyń qalypty fızıologııa kafedrasynyń meńgerýshisi.
«Adyrna» ulttyq portaly
