Bügın - qoǧam jäne memleket qairatkerı, ǧalym jäne ūlt janaşyry Dınmūhamed Qonaevtyŋ tuǧan künı.
Ol 1912 jyly Almaty oblysynda düniege kelgen.
Dınmūhamed Qonaev 1960–1962 jäne 1964–1986 jyldar arasynda Qazaqstan Kompartiiasy Ortalyq Komitetınıŋ bırınşı hatşysy retınde el basqarǧan. Onyŋ el basqarǧan jyldarynda qazaq jerınde 68 jūmysşylar kentımen 43 qala paida boldy. Olardyŋ qatarynda önerkäsıp ortalyǧy sanalǧan Rudnyi, Ekıbastūz, Şevchenko, Nikolskii, Stepnogorsk, Temırtau, Jaŋatas, Kentau, Arqalyq qalalary bar.
Dınmūhamed Qonaevtyŋ bastamasy boiynşa qazaq jerınıŋ sol kezdegı astanasy Almaty qalasynda Ükımet üiı, Qazaqstan Kompartiiasynyŋ Ortalyq Komitetınıŋ ǧimaraty, Qazaqstan Respublikasynyŋ Ūlttyq Ǧylym Akademiiasynyŋ ǧimaraty tūrǧyzylǧan.
Sonymen qatar, Respublika Saraiy, Sport jäne Mädeniet Saraiy, «Medeu» sport keşenı, Ūlttyq Kıtaphana, sirk syndy mädeniet, bılım jäne sport nysandary boi köterdı. Avto, aero jäne temır jol vokzaldary, äuejai, «Almaty», «Otyrar», «Jetısu», «Alatau», «Dostyq», «Qazaqstan» qonaqüilerı salyndy.
Dınmūhamed Qonaev «O moiom vremeni», «Ot Stalina do Gorbachiova», «Aqiqattan attauǧa bolmaidy» kıtaptaryn jazyp qaldyrǧan.
1986 jyldyŋ 16 jeltoqsanynda Qazaqstan kommunistık partiiasy ortalyq komitetınıŋ 18 minutqa sozylǧan rekordtyq qysqa plenumynda Dınmūhamed Qonaev Qazaqstan kommunistık partiiasy ortalyq komitetınıŋ bırınşı hatşysy qyzmetınen bosatyldy. Onyŋ ornyna Gennadii Kolbin sailandy. Onyŋ memleket basyna keluı jeltoqsan köterılısıne sebep boldy.
1987 jyldyŋ qaŋtarynda Qonaev KPSS ortalyq komitetınıŋ saiasi biurosynan, al 1987 jyldyŋ mausym aiynda KOKP ortalyq komitetınen şyǧaryldy.
Dınmūhamed Ahmetūly Qonaev 1993 jylǧy tamyzdyŋ 22-sınde, 82 jasqa qaraǧan şaǧynda Almaty oblysy Alaköl audanynyŋ Aqşi auylynda qaitys boldy. Memleket jäne qoǧam qairatkerı 1993 jyly 25 tamyzda Keŋsai ziratyna jerlendı.
Ūqsas jaŋalyqtar
