Keşe, 2023 jyldyŋ 11 jeltoqsanynda Qazaqstan Respublikasy Parlamentı Mäjılısınde «Esırtkı qylmysyna qarsy ıs-qimyl jönındegı şaralar turaly» taqyrybyndaǧy Ükımet saǧaty öttı.QR Parlamentı Mäjılısı deputaty, «Aq jol» fraksiiasy müşesı Qazybek İsa Ükımet saǧatynda baiandama jasaǧan QR Işkı ıster ministrı Erjan Sädenovke ötkır sūraq qoidy.
Qūrmettı Işkı ıster ministrı Erjan Saparbekūly! El ışındegı obadai qauıptı, estını esınen aiyratyn esırtkımen küresu eŋ aldymen memlekettıŋ, qoǧamnyŋ mındetı. Būl küreste qūqyq qorǧau qyzmetkerlerınıŋ ülesı köp. Būny qazır sızdıŋ baiandamaŋyzdan baiqadyq. Bıraq qūqyq qorǧau qyzmetkerlerınıŋ özderı esırtkı satu, ötkızu üstınde ūstalyp jatqany turaly BAQ-taǧy derekter aqylǧa siia ma? Mysaly, biyl elımızdıŋ 8 öŋırınde 11 polisiia qyzmetkerı, tıptı basşysymen bırge, esırtkı ötkızıp jatqanda ūstaldy. Būl Astana, Taraz, Qostanai, Almaty, Aqtau qalalarynda, ŞQO, BQO, Almaty oblysynda bolǧan jaǧdai. Būl polisiia qyzmetkerlerı Tärkılengen esırtkını qaita ainalymǧa satty dep aiyptaldy. Būl ne masqara! Qazaq «et sasysa, tūz sebedı, tūz sasysa ne sebedı» deidı! Tärkılengen esırtkı küşeitılgen rejimde qorǧalyp, erekşe tärtıppen joiyluy tiıs emes pe! Sonda bız qasqyrǧa qoi baqtyrǧandai, esırtkımen kürestı kımderge senıp tapsyrǧanbyz? Biyl küzetşı itter 260 esırtkı qylmysyn aşyp, 6 tonnadan astam esırtkı tärkılengen. Sonda itter esırtkı tabady, ūstaidy, al polisiia ony satady?! Sonda polisiia men ittıŋ qaisysy senımdı bolyp tūr?! Iаǧni, tärkılengen esırtkını joiudy qataŋ küşeitu kerek, polisiianyŋ özıne baqylau qajet! Sızge qoiar saualym:- Memleket, qoǧam bolyp būl asa qauıptı dertpen küresıp jatqanda, polisiianyŋ mūndai qylmysy jaily ne deisız?!
- Qūqyq qorǧau organy qyzmetkerlerı jasaǧan qylmystar boiynşa resmi statistika bar ma? Onymen küresude ne ıstep jatsyzdar?
- Būdan keiın özı qylmys jasaityn polisiiaǧa El qalai senedı ministr myrza?!. Esırtkı satqan polisiiaǧa estı adam sene me? Raqmet.
«Adyrna» ūlttyq portaly
Ūqsas jaŋalyqtar
