Energetıka mınıstri Almasadam Sátqalıev Qazaqstannyń energetıka júıesindegi barlyq negizgi jabdyqtardy jóndeý jumystary aıaqtalǵanyn habarlady, dep habarlaıdy "Adyrna" ulttyq portaly.
«Mınıstrlik 2023 jyldyń 1 maýsymynan bastap berilgen ótinimder boıynsha 25 energııa óndirýshi uıym úshin elektr energııasyn óndirýge shekti tarıfti túzetti. Bul shara elektr stanııalaryn jóndeýge 146,5 mlrd teńge kóleminde qarajat tartýǵa múmkindik berdi», - dedi Sátqalıev seısenbi kúni úkimet otyrysynda.
Mınıstrdiń aıtýynsha, jeke jylý kózderin jylytý maýsymyna daıyndaý maqsatynda Qazaqstan Respýblıkasy Úkimetiniń rezervinen qarajat «Rıdderaı Ekibastuz» JEO-na, Aqtaý q. energııa kózderine, Kókshetaý qazandyǵyna 21,5 mlrd. bólingen. Bul barlyq negizgi jabdyqtardy kúrdeli jóndeýden ótkizýge múmkindik berdi. Sondaı-aq Kentaý jylý elektr ortalyǵyn jóndeýge oblystyq bıýdjetten 3,7 mlrd teńge bólindi.
Mınıstrdiń pikirinshe, tutynýshylardan tartylǵan jáne úkimetten, ákimdikterden jáne menshik ıelerinen bólingen 188,2 mlrd teńge barlyq negizgi jabdyqtardy kúrdeli jóndeýden ótkizýge múmkindik berdi.
