Germanııada «Axel Springer Freedom Foundation» kommerııalyq emes uıymy aty-jóni jasyrynǵan aýǵandyq áıelge batyldyq úshin syılyq beretinin jarııalady. Uıymnyń baspasóz qyzmetiniń habarlaýynsha, qaýipsizdik maqsatynda marapattaýshynyń aty-jónin aıtý múmkin emes, óıtkeni áıel Aýǵanstanda qyzdarǵa arnalǵan astyrtyn mektepterdiń qupııa jelisin qurǵan, dep habarlaıdy "Adyrna" portaly.
«Syılyq demokratııa men erkindikke erekshe úles qosqan adamdarǵa beriledi», - delingen habarlamada.
Aýǵanstan - qyzdardyń altynshy synypty bitirgennen keıin mektepke barýyna resmı túrde tyıym salynǵan álemdegi jalǵyz el. Bul tyıymdy 2021 jyldyń tamyzynda eldegi bılikti basyp alǵannan keıin «Talıban» radıkaldy qozǵalysy engizgen. Bul sheshimge jergilikti qoǵam belsendileri, halyqaralyq uıymdar men sheteldik saıasatkerler qarsylyq bildirdi, biraq Talıban áli kúnge deıin jasóspirim qyzdardy mektepke jibermeıdi.
«Men úshin eń aýyr ádiletsizdik - Aýǵanstandaǵy áıelderdiń qıyn jaǵdaıyn ashyq aıta almaýy. Ózime qaýip tóndiremin dep qorqyp, bul erekshe kúndi otbasymmen birge toılaı da almaımyn. Erligi úshin marapatty óz basym qabyldap, elime maqtanyshpen oralǵym keledi. Bul marapat meni budan da kóp jumys isteýge yntalandyrady", - dep jazdy marapat ıesi.
Marapat aýǵan áıelderiniń robototehnıka komandasynyń negizin qalaýshy Roıa Mahbýbqa berildi.
«Axel Springer Freedom Foundation» syılyǵynyń aqshalaı quny 50 myń eýro ekenin aıta keteıik.
Axel Springer Freedom Foundation - erkin emes elderdiń quqyq qorǵaýshylaryn qoldaıtyn kommerııalyq emes uıym.
