Basty bet
Almaty qalasy
«Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda megapolıste kómek kórsetilýde

«Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda megapolıste kómek kórsetilýde

13.12.2023

1064

dknews.kz

«Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda megapolıste áleýmettik osal top ókilderine kommýnaldyq tólemderge kómek mólsheri artty. Az qamtylǵandar úshin qoldanystaǵy áleýmettik kómektiń mólsheri 0,6 AEK-ke deıin ulǵaıtyldy, - dep jazdy «Adyrna» tilshisi almaty-akshamy.kz saıtyna silteme jasap.
Kómek halyqtyń áleýmettik osal sanattaryna jatatyn azamattardyń jekelegen 8 sanatyna kórsetiletin bolady. Bul týraly ÓKQ brıfınginde Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov aıtyp berdi.
Mundaı sheshimdi «Tarıfti ınvestıııaǵa aıyrbastaý» baǵdarlamasy aıasynda 2023 jylǵy 1 qarashadan bastap elektr energııasyna tarıfterdiń kóterilýine baılanysty qalalyq máslıhat depýtattarynyń sessııasynda qabyldady. Zańdy tulǵalar úshin elektr energııasyna tarıftiń ósýi 1 kVtsaǵ úshin 1,2% , jeke tulǵalar úshin 7% qurady.
«Almaty qalasy boıynsha Tabıǵı monopolııalardy retteý komıteti departamentiniń derekteri boıynsha, jeke tulǵalar úshin turǵyn úıge elektr energııasyn ortasha tutyný 209 kVtsaǵ quraıdy, bul turǵyn úıde qunnyń 315,59 teńgege ulǵaıýyn kózdeıdi. Osyǵan baılanysty HÁOT qosymsha áleýmettik qoldaý sharalaryn kórsetý jáne qarjylyq júktemeni azaıtý úshin qoldanystaǵy áleýmettik kómektiń mólsheri 0,6 AEK-ke 2070 teńgege deıin ulǵaıtyldy. Áleýmettik kómek kólemin ulǵaıtý 345 teńgeni quraıdy», - dedi B. Jaýbasov.
Atap ótilgendeı, joba HÁOT qujattaryn ýchaskelik komıssııaǵa jiberilmeıdi, osy turǵyda áleýmettik kómek jan basyna shaqqandaǵy ortasha tabysty esepke almaı kórsetiledi. 2023 jylǵy 31 jeltoqsanǵa deıin júgingen áleýmettik kómek alýshylar úshin qaıta ótinish bermeı, tólem merzimin 2024 jylǵy 30 maýsymǵa deıin uzartý kózdelgen. Áleýmettik kómek tóleýdi qala ákiminiń aýdandyq apparattary júrgizedi.
«Jobany qarjylandyrý Almaty qalasy bıýdjetiniń qarajaty sheńberinde júzege asyrylady. 2024 jylǵa qarjylandyrý 4 mlrd teńgeden astam sommany quraıdy», - dep tolyqtyrdy basqarmanyń basshysy.
Almatyda HÁOT qatarynan 315 myńnan astam azamat turady, onyń ishinde bıyl 559 mln teńgege júz myńdaı adamǵa áleýmettik kómek kórsetiledi.

Facebook - парақшамызға жазылыңыз!