«Qazaqstandyqtardyŋ äl-auqatyn arttyruǧa baǧyttalǧan ornyqty ekonomikalyq ösu» ūlttyq jobasy aiasynda megapoliste kömek körsetılude

«Qazaqstandyqtardyŋ äl-auqatyn arttyruǧa baǧyttalǧan ornyqty ekonomikalyq ösu» ūlttyq jobasy aiasynda megapoliste äleumettık osal top ökılderıne kommunaldyq tölemderge kömek mölşerı artty. Az qamtylǧandar üşın qoldanystaǧy äleumettık kömektıŋ mölşerı 0,6 AEK-ke deiın ūlǧaityldy, - dep jazdy «Adyrna» tılşısı almaty-akshamy.kz saityna sılteme jasap. Kömek halyqtyŋ äleumettık osal sanattaryna jatatyn azamattardyŋ jekelegen 8 sanatyna körsetıletın bolady. Būl turaly ÖKQ brifingınde Almaty qalasy Jūmyspen qamtu jäne äleumettık baǧdarlamalar basqarmasynyŋ basşysy Bauyrjan Jaubasov aityp berdı. Mūndai şeşımdı «Tariftı investisiiaǧa aiyrbastau» baǧdarlamasy aiasynda 2023 jylǧy 1 qaraşadan bastap elektr energiiasyna tarifterdıŋ köterıluıne bailanysty qalalyq mäslihat deputattarynyŋ sessiiasynda qabyldady. Zaŋdy tūlǧalar üşın elektr energiiasyna tariftıŋ ösuı 1 kVtsaǧ üşın 1,2% , jeke tūlǧalar üşın 7% qūrady. «Almaty qalasy boiynşa Tabiǧi monopoliialardy retteu komitetı departamentınıŋ derekterı boiynşa, jeke tūlǧalar üşın tūrǧyn üige elektr energiiasyn ortaşa tūtynu 209 kVtsaǧ qūraidy, būl tūrǧyn üide qūnnyŋ 315,59 teŋgege ūlǧaiuyn közdeidı. Osyǧan bailanysty HÄOT qosymşa äleumettık qoldau şaralaryn körsetu jäne qarjylyq jüktemenı azaitu üşın qoldanystaǧy äleumettık kömektıŋ mölşerı 0,6 AEK-ke 2070 teŋgege deiın ūlǧaityldy. Äleumettık kömek kölemın ūlǧaitu 345 teŋgenı qūraidy», - dedı B. Jaubasov. Atap ötılgendei, joba HÄOT qūjattaryn uchaskelık komissiiaǧa jıberılmeidı, osy tūrǧyda äleumettık kömek jan basyna şaqqandaǧy ortaşa tabysty esepke almai körsetıledı. 2023 jylǧy 31 jeltoqsanǧa deiın jügıngen äleumettık kömek aluşylar üşın qaita ötınış bermei, tölem merzımın 2024 jylǧy 30 mausymǧa deiın ūzartu közdelgen. Äleumettık kömek töleudı qala äkımınıŋ audandyq apparattary jürgızedı. «Jobany qarjylandyru Almaty qalasy biudjetınıŋ qarajaty şeŋberınde jüzege asyrylady. 2024 jylǧa qarjylandyru 4 mlrd teŋgeden astam sommany qūraidy», - dep tolyqtyrdy basqarmanyŋ basşysy. Almatyda HÄOT qatarynan 315 myŋnan astam azamat tūrady, onyŋ ışınde biyl 559 mln teŋgege jüz myŋdai adamǧa äleumettık kömek körsetıledı.