Almatyda qala äkımı Darhan Satybaldynyŋ qatysuymen Qazaqstan Respublikasynyŋ jaŋa Konstitusiiasynyŋ küşıne enuıne arnalǧan «Jaŋa Konstitusiia – jaŋa serpın» atty döŋgelek üstel öttı. Is-şaraǧa ǧylymi jäne sarapşylyq qauymdastyq ökılderı, şyǧarmaşylyq ziialy qauym, mäslihat deputattary, Qoǧamdyq keŋes müşelerı, ardagerler ūiymdarynyŋ jäne memlekettık organdardyŋ ökılderı qatysty.
Jiyndy aşqan Darhan Satybaldy jaŋartylǧan Ata zaŋnyŋ küşıne enuı Qazaqstannyŋ zaŋ üstemdıgıne, ädılettılıkke, aşyq memlekettık basqaruǧa jäne joǧary azamattyq jauapkerşılıkke negızdelgen jaŋa damu kezeŋıne qadam basqanyn bıldıretının aitty.
Qala äkımınıŋ aituynşa, jaŋa Konstitusiia qūqyqtyq normalardy bekıtıp qana qoimai, adam qūqyǧy men bostandyǧyn qorǧau, tiımdı memlekettık basqaru qalyptastyru jäne qoǧamdyq jauapkerşılıktı basty qūndylyq retınde aiqyndaityn memlekettıŋ jaŋa damu tūjyrymdamasyn qalyptastyrady.
«Memleket basşysy Qasym-Jomart Kemelūly Toqaev atap ötkendei, jaŋa Konstitusiia elımızdıŋ ūzaq merzımdı damuynyŋ berık qūqyqtyq negızın qalyptastyryp, jaŋa qoǧamdyq kelısımnıŋ özegıne ainalady. Sondyqtan onyŋ bügın zaŋdy küşıne enuı – Ädılettı jäne Progressivtı Qazaqstandy qūru jolyndaǧy reformalardyŋ jaŋa kezeŋge ötkenınıŋ aiqyn körınısı», – dedı Darhan Satybaldy.
Äkım Qazaqstannyŋ eŋ ırı qalasy, ǧylym, bılım, innovasiia, mädeniet jäne ekonomika ortalyǧy sanalatyn Almatyǧa konstitusiialyq qaǧidattardy ıs jüzınde jüzege asyruda erekşe jauapkerşılık jükteletının jetkızdı. Onyŋ aituynşa, Almatyny 2030 jylǧa deiın damytu strategiiasy jaŋa Konstitusiianyŋ negızgı qaǧidalarymen ündesıp, jaily, qauıpsız, ekologiialyq taza ärı bäsekege qabılettı megapolis qalyptastyruǧa baǧyttalǧan.
Darhan Satybaldy zamanaui kölık infraqūrylymyn damytu, qalany polisentrlık model boiynşa örkendetu, sifrlandyru, Almaty AI Park jobasyn qūru, Smart City tehnologiiasyn engızu, ekologiialyq jaŋǧyrtu, qoǧamdyq keŋıstıkterdı damytu jäne «Taza Qazaqstan» bastamasyn ıske asyru tūrǧyndardyŋ ömır sapasyn arttyruǧa baǧyttalǧan konstitusiialyq qaǧidattardyŋ naqty körınısı ekenın atap öttı.
Döŋgelek üstel barysynda qatysuşylar jaŋa Konstitusiia qaǧidattaryn memlekettık basqaru jüiesınde tiımdı ıske asyru, qūqyqtyq mädeniettı nyǧaitu, azamattyq jauapkerşılıktı arttyru, sondai-aq eldıŋ odan ärı damuyna ǧylymi jäne sarapşylyq qauymdastyqtyŋ qosar ülesı jönınde pıkır almasty.
Kezdesu soŋynda qatysuşylar jaŋa Konstitusiia Qazaqstannyŋ ornyqty damuyna, qoǧamdyq kelısım men zaŋ üstemdıgın nyǧaituǧa, sonymen bırge ädılettı, aşyq ärı tiımdı memleket qalyptastyruǧa berık qūqyqtyq negız bolatynyn erekşe atap öttı.
