Mäjılıs deputaty Erlan Barlybaev Premer-ministrdıŋ bırınşı orynbasary Roman Skliarǧa jylytu mausymyna daiyndyǧyn sūrap, saual joldady, dep habarlaidy “Adyrna” ūlttyq portaly.
«Qazırgı jaǧdaida biylǧy mausymdaǧy oqiǧalardyŋ qalai örbitının boljau qiyn ekenın tüsınemız. Sondyqtan Ükımette jylu-energetika salasyndaǧy qordalanyp qalǧan mäselelerdı keşendı türde şeşudıŋ ūzaq merzımdı josparlary bar ma? Bar bolsa būl josparlardyŋ qandai ekenın habarlaudy sūraimyz. «Aq jol» fraksiiasynyŋ būǧan deiıngı saualdarynda da būl sūraq däl osylai qoiylǧan bolatyn, endı belgılı bolǧandai, sol saualdarymyzǧa senımsız jauaptar alyp kelıppız», - deidı deputat.
Sondai-aq, ol «Aq jol» fraksiiasy tarapynan jylu beru mausymyna daiyndyq mäselesıne qatysty memlekettık organdarǧa bırneşe ret saual joldaǧanyn, olardan mardymsyz jauap almaǧanyn aitty.
«Aq jol» Demokratiialyq partiiasy ötken jylytu mausymyndaǧy kommunaldyq apattardyŋ sabaqtaryn eskere otyryp, ötken jyldyŋ 30 qaraşasy men 21 jeltoqsanynda ükımetke deputattyq saual joldap, 2023 jyldyŋ 18 qaŋtarynda bız elektr energiiasynyŋ būzyluyn joiu mäselelerın kötergenbız.
Sonymen qatar, jaŋa mausymǧa daiyndyq barysynda bız osy jyldyŋ 15 mamyry, 14 mausymy jäne 4 qazanyndaǧy sūranystarda osy taqyrypty bırneşe ret köterdık, onda qorytyndylar jasap, jylu energetikasyn jaŋartu jäne jaŋǧyrtu boiynşa tūraqty jūmystardy belgıleudı ūsyndyq. Bızdıŋ ötınışterımızge memlekettık organdardyŋ jauaptary eŋ optimistık boldy, bıraq, ökınışke qarai, aiaz bastalyp ketse de, būl optimizm aqtalǧan joq. Endı bükıl el jylu beru mausymynyŋ jalǧasuyn taǧatsyzdana kütude», - dedı Barlybaev särsenbı künı Mäjılıs otyrysynda.
Eske salaiyq, kürt suyǧan bırneşe künnıŋ ışınde Qazaqstannyŋ segız qalasynda bırden jylumen jabdyqtau jüielerınde apattar boldy: Stepnogorsk, Ekıbastūz, Aqtau, Balqaş, sondai-aq Temırtau, Ridder, Jaŋaözen jäne Kökşetau. Atyrau men jartylai Temırtau da susyz qaldy.
