2023 jyldyń úshinshi toqsanynda júrgizilgen saýalnama nátıjeleri Qazaqstan halqynyń 5,6%-nyń tabysy eń tómengi kúnkóris deńgeıinen tómen ekenin kórsetti. Bul aqpartty Ulttyq statıstıkalyq bıýro jarııalady, dep habarlaıdy “Adyrna” ulttyq portaly.
Elimizde eń tómengi kúnkóris deńgeıi 51 710 teńgeni qurady.
Kedeıshiliktiń eń joǵary deńgeıi Túrkistan oblysynda – 9,6%, al eń tómeni Qaraǵandy oblysy men Astana qalasynda – 2,7% tirkeldi.
Bes jáne odan da kóp adamy bar otbasylardaǵy kedeıshilik deńgeıi 10% qurady, bul kedeıshiliktiń ortasha deńgeıiniń eki esesi.
Tabysy eń tómengi kúnkóris deńgeıinen az Qazaqstan turǵyndarynyń sany ekinshi toqsanmen salystyrǵanda 9 paıyzǵa ósip, 1,1 mıllıon adamnan asty. Birinshi nesıe bıýrosy bul sońǵy 13 jyldaǵy eń joǵary kórsetkish ekenin atap ótti.
