Bügın Jambyl oblysyna Qazaqstan Respublikasy Premer-Ministrınıŋ orynbasary Gülşara Äbdıqalyqova jūmys saparymen keldı. Būl turaly “ZhambylNews” AA oblys äkımınıŋ baspasöz qyzmetıne sılteme jasap habarlaidy.
Vise-Premer aldymen aimaqtaǧy äleumettık az qamtylǧan otbasylardyŋ şaŋyraǧyna at basyn būrdy. Atap aitar bolsaq, tarazdyq köp balaly ana Ūldana Qozieva joldasy ekeuı 6 bala tärbielep otyr. Ülken ūldary 2003 jyly tuǧan, Jambyl politehnikalyq kolledjınıŋ 1-kurs studentı. Al üş balasy mektep oquşylary desek, ekeuı balabaqşa tärbielenuşılerı. «Altyn alqa» iegerı Ūldana Berıkqyzy bala tärbiesımen üide bolsa, joldasy küzetşı qyzmetınde. Jalaqysy – 43 myŋ teŋge.
Būl otbasynyŋ balalary mektepte ystyq tamaq jäne qystyq kiımdermen qamtylǧan. Būǧan deiın otbasynyŋ ailyq jiyntyq tabysy 75919 teŋgenı qūrasa, bırınşı säuırden bastap ol 231481 teŋgenı qūramaq. Oǧan memlekettık atauly äleumettık kömek jüiesındegı oŋ özgerıster sebep bolyp otyr.
Sondai-aq, Gülşara Nauşaqyzy Tarazdyq köpbalaly ana Ainūr Nauatovanyŋ jäne kömekke mūqtaj Zuhra Karimovanyŋ şaŋyraqtarynda bolyp, jaǧdailarymen tanysty. G. Äbdıqalyqova mūqtaj jandarǧa qandai kömek qajet ekenın bılıp, tılek-nietterı nazarǧa alynatynyn jetkızdı.
Aita keteiık, Jambyl oblysynda 1 säuırden bastap atauly äleumettık kömektı 29650 otbasy aluda. Jan basyna şaqqandaǧy tabysy kedeilık şegınen tömen 29650 otbasynyŋ äleumettık kartasy tüzılıp, onda barlyǧy 150400 adam qamtylǧan.
QR Premer-ministrı orynbasarynyŋ aimaqtaǧy sapary halyqqa qyzmet körsetu ortalyǧynda jalǧasty. Ortalyq jūmysymen jan-jaqty tanysqan Gülşara Nauşaqyzy äleumettık älsız top ökılderın jūmyspen qamtu deŋgeiın nazarda ūstaudy tapsyrdy.
Aita keterlıgı, bır qabattan tūratyn halyqqa qyzmet körsetu ortalyǧy 2006 jylǧy 11 qaraşada paidalanuǧa berılgen. Jalpy aumaǧy 805,9 şarşy metrdı qūraidy. Barlyq qajettı tehnikalyq qūral-jabdyqtarmen qamtamasyz etılgen ortalyq 2018 jyly 91 100 tūrqynǧa qyzmet körsetken. Al aǧymdaǧy jyldyŋ I toqsanynda 20 700 adam ortalyq arqyly memlekettık körsetıletın qyzmetke jügıngen. Ortalyqta 89 qyzmetker jūmys jasasa, barlyǧy 621 qyzmet türı körsetıledı.
Kelesı kezekte Vise-Premer Taraz qalalyq halyqty jūmyspen qamtu ortalyǧyna at basyn būrdy. Ortalyq ǧimaratynyŋ jalpy aumaǧy 1246,7 şarşy metrdı qūraidy. Mūnda ötken jyly 12375 adamǧa qyzmet körsetılgen. Nysan barlyq qajettı tehnikamen jabdyqtalǧan. Mekemede 52 adam qyzmet etedı.
Qazaqstan Respublikasy Premer-Ministrınıŋ orynbasary Gülşara Äbdıqalyqovanyŋ aimaqtaǧy jūmys sapary erteŋ de jalǧasyn tabatyn bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz