İndustriia jäne infraqūrylymdyq damu vise-ministrı bolǧan Timur Toqtabaevqa qatysty ükım apelliasiialyq tärtıppen qaita qaraldy. Būl turaly Astana qalalyq sotynyŋ baspasöz qyzmetı aitty, dep habarlaidy «Adyrna» tılşısı.
Qazan aiynda şeneunık auyr zardaptarǧa äkep soqqan lauazymdyq ökılettıkterın asyra paidalanǧany üşın kınälı dep tanylyp, 7 jylǧa bas bostandyǧynan aiyrylǧan edı.
«Is jazany öteu mekemesın özgertudı sūraǧan prokurordyŋ apelliasiialyq ötınışı boiynşa, sondai-aq sottalǧan men onyŋ qorǧauşylarynyŋ eks-vise-ministrdıŋ kınäsızdıgı turaly dälelderı körsetılgen apelliasiialyq şaǧymdary boiynşa qaita qaraldy. Sottalǧannyŋ qylmys jasaudaǧy kınäsınıŋ däleldengenıne säikes, Astana qalalyq sotynyŋ qylmystyq ıster jönındegı sot alqasymen ükımnıŋ küşın joiuǧa negız bolǧan joq»,—delıngen habarlamada.
Sot ükımı qylmystyq-atqaru jüiesı mekemesınde bas bostandyǧynan aiyru türındegı jazany tömengı qauıpsızdıkten ortaşaǧa qauıpsızdıkte öteu bölıgıne özgertıldı. Ükım zaŋdy küşıne endı.
