Qaznette «BozaşyTransQūrylys» JŞS qyzmetkerlerı Qazaqstan prezidentı Qasym-Jomart Toqaevqa, oblys äkımı Nūrlan Noǧaevqa jäne «QazMūnaiGaz» basşylyǧyna arnap ündeu jariialaǧan video tarady.
Olar öz ündeuınde West Oil Software kompaniiasynyŋ qyzmetkerlerın tolyq qoldaitynyn aityp, talaptarynyŋ tolyq oryndaluyn talap etedı. Sonymen qatar, «BozaşyTransQūrylys» kompaniiasynyŋ qyzmetkerlerı eŋbek dauy kezınde jūmysşylardy qudalaudy toqtatuǧa şaqyrady.
Osyǧan ūqsas ündeude mūnai öndırısın himiialandyru qyzmetkerlerı de West Oil Software jūmysşylarynyŋ talaptaryn qoldaityndyqtaryn jäne olardyŋ yntymaqtastyǧyn jariialady.
Būǧan deiın Maŋǧystauda West Oil Software mūnai servistık kompaniiasynyŋ qyzmetkerlerı ereuılge şyqqanyn jazǧan edık. Olar «QazMūnaiGazǧa» qosyludy, sondai-aq olarǧa bıryŋǧai jalaqy jüiesın qoldanudy, materialdyq-tehnikalyq bazasyn jaŋartudy talap etedı.
Aita ketsek, jeltoqsannyŋ 11-ı künı keşke ereuılşıler aua raiynyŋ qolaisyzdyǧyna qaramastan taramaityndaryn, narazylyqtaryn jalǧastyratyndaryn mälımdedı. Jūmysşylardyŋ aituynşa, oqiǧa ornynda arnaiy polisiia qyzmetkerlerı kezekşılık etude.
İnternette taraǧan ereuılşılerdıŋ videosy belgılı bır er adamnyŋ «Şatyr tıguge bolmaidy deidı, şatyr ornatuǧa rūqsat bermeidı» degen dauystar estıldı.
Keiın Energetika ministrı Almasadam Satqaliev ereuıl turaly tüsınıkteme berıp, qajet bolǧan jaǧdaida aimaqqa baruǧa daiyn ekenın, alaida äzırge mäsele tapsyrys beruşı men merdıger arasyndaǧy qarym-qatynas salasynda ekenın aitty.
«QazMūnaiGaz» kompaniiasynyŋ töraǧasy Maǧzūm Mirzaǧaliev te ereuılge qatysty öz pıkırın bıldırdı. Ol kompaniia ereuılge şyqqan jūmysşylardy jūmysqa ala almaitynyn aitty.
Sonymen bırge ol kompaniia West Oil Software jabdyqtaryn jaŋartatyna uäde berdı.
