Aqtauda jūmyssyz qalǧan azamattar narazylyqqa şyqty

1304
Adyrna.kz Telegram
https://adyrna.kz/content/uploads/2025/02/foto-kaz-today.jpg
Aqtauda zauyttyŋ jūmysşylary qyzmetterınen aiyrylǧany üşın narazylyq bıldırıp, ereuılge şyqty, dep habarlaidy "Adyrna" ūlttyq portaly. İnformbiuro mälımetınşe, mūnai qūbyrlaryn şyǧaratyn käsıporyn basşylyǧy ekı sehty Jaŋaözen qalasyna köşırmek bolǧan. Aqtaudaǧy sehte eŋbek etken 250 adamǧa basqa jūmys ızdei berıŋder dep eskertıptı. Al qyzmetkerler basşylyqtyŋ aldyn ala eskertusız, şūǧyl şeşım şyǧarǧanyna narazy. “Būl jerde 7 jyl, 10 jyldan berı jūmys ıstep jatqan adamdar bar. Ştatqa auyspaǧan, GPH-men jūmys ıstep kele jatyr. Endı mekemenı būlar Jaŋaözenge köşırıp jatyr. Osy uaqytqa deiın bızdı “alyp ketemız” dep aldap keldı. Endı “eşqaisysyŋ ketpeisıŋder, demala berıŋder” dep otyr. Bır ai būryn aityldy”, – dedı jūmysşy Sergei Jūmahanov. Narazylyqqa şyqqandardyŋ basym bölıgı üiınıŋ jalǧyz asyrauşysy ekenın aityp, şaǧymdanuda. “Qaŋtardan bastap jūmys ıstep jatyrmyz. Bıraq bızge kelısımşart bergen joq. Kelısımşart jeltoqsanda bıttı. Ony sūraǧan kezde “bermeimız, jūmys toqtap jatyr” dedı. Osyndai jaǧdai bolyp tūr ǧoi. Bır künde 200-den asa adamdy jūmystan şyǧardy”, – dedı jūmysşy Jeŋısbek Taǧanov. Ereuılden soŋ zauyttyŋ baspasöz qyzmetı mäsele şeşılgenın mälımdedı. “2025 jyldyŋ 6 aqpan künı "KaskorMaşzavod" JŞS aumaǧynda kompaniia qyzmetkerlerı jinalyp, beineündeu jariialady. 7 aqpanda taraptar özara mämılege kelıp, jūmysşylardyŋ narazylyǧyn tudyrǧan barlyq mäsele şeşıldı. Qazır qyzmetkerler jūmysqa qaita kırıstı”, – dedı "Kaskor-Maşzavod” JŞS baspasöz qyzmetı.
Pıkırler