Ózbekstan prezıdenti Shavkat Mırzıeev majorıtarlyq saılaý júıesinen - aralas proporıonaldy saılaý júıesine kóshý týraly konstıtýııalyq zańǵa qol qoıdy. Qujat «Halq sýzı» gazetinde jarııalandy, dep habarlaıdy "Adyrna" ulttyq portaly.
Osy ýaqytqa deıin Ózbekstanda majorıtarlyq saılaý júıesi qoldanylǵan, onda óz okrýginde kópshilik daýys alǵan kandıdattar saılanatyn. Onyń ústine barlyq kandıdattar elde áreket etetin partııalardyń atynan shyǵýy kerek boldy.
Proporıonaldy júıede daýys berý partııalyq tizimder boıynsha ótedi, onyń nátıjeleri ár partııa alǵan daýystar sanyna proporıonaldy mandattardy bólý prınıpimen anyqtalady.
Ózbekstannyń Saılaý kodeksine jańa zańmen engizilgen túzetýlerge sáıkes, Parlamenttiń Zań shyǵarý palatasynyń 75 depýtaty majorıtarlyq júıe boıynsha (kandıdat úshin daýys berý) bir mandatty okrýgter boıynsha, al qalǵan 75-i proporıonaldyq júıe boıynsha saıası partııalar úshin berilgen daýystar negizinde (kandıdattardyń tizimine daýys berý) saılanady.
Bul rette áıelderdiń sany saıası partııadan bir mandatty saılaý okrýgteri boıynsha, sondaı-aq partııalyq tizim boıynsha depýtattyqqa kandıdattar sanynyń keminde 40 paıyzyn quraýy tıis. «Partııalyq tizimdegi árbir bes kandıdattyń kem degende ekeýi áıel bolýy kerek», - dep túsindirdi Ádilet mınıstrligi.
Proporıonaldyq júıe boıynsha saılanatyn Zań shyǵarý palatasy depýtattarynyń mandattary 7 jáne odan da kóp paıyz daýys alǵan saıası partııalar arasynda bólinedi. Mundaı nátıjeni bir ǵana partııa alsa, onda eń kóp daýys jınaǵan ekinshi partııanyń kandıdattary depýtat bola alady.
