Ýkraına prezıdenti Vladımır Zelenskıı Reseı-Ýkraına arasyndaǵy soǵystyń aıaqtalýyna qatysty pikir bildirdi, dep jazady "Adyrna" portaly. Bul týraly ol baspasóz máslıhatynda aıtty.
«Bizdiń qurmetti batystyq áriptesterimiz uzaq jyldar týraly aıtsa da, olar ashyǵyn bilmeıdi... Pikirler kóbine shyndyqqa janaspaı ketedi... Soǵys, jeńis, jeńilis, toqyraý – kóptegen sheshimderge, baǵyttarǵa jáne táýekelderge baılanysty, biraq kóbine bizdiń ózimizge. Turaqtylyǵymyzdy joǵaltpasaq, soǵysty erterek aıaqtaımyz», - dedi ol seısenbi, 19 jeltoqsanda. Sonymen birge ol ýkraındyqtardyń jeńisti jaqyndata alatynyna senim bildirdi.
Sonymen qatar, Zelenskıı Ýkraınanyń bolashaqtaǵy jeńilis belgileri týraly boljamdy joqqa shyǵardy,
«Biz qıynyraq jaǵdaıǵa tap boldyq, al biz tolyqtaı derlik okkýpaııalandyq, bizdiń memleketimizdiń ortalyq aýdandary derlik qorshaýda qaldy... Biraq biz odan shyqtyq ... Bizde basqasha qys boldy, qazir jaǵdaı basqasha», - dedi Ýkraına basshysy.
Ol Batystyń kómegin jalǵastyrýda qıyndyqtar bar ekenin moıyndady. "Siz aıtyp otyrǵan táýekel árqashan bar, biz bárimiz tiri adamdarmyz. Biraq biz ómir súrip, kúresip, barynsha senýimiz kerek", - dedi ol.
Sondaı-aq, Zelenskııdiń aıtýynsha, Reseı bıylǵy jyly «birde-bir maqsatyna» jetken joq, sondyqtan «Ýkraınanyń jeńilisi týraly eshteńe aıta almaımyn». Batystyń kómegin jalǵastyrýǵa keletin bolsaq, Ýkraına bıligi jańa kelisimder boıynsha jumys istep jatyr, dedi ol.
