Ashhabadta turatyn táýelsiz jýrnalıst Soltan Achılova Túrkimenstan prezıdenti Serdar Berdimuhamedov pen onyń ákesi, Halyq máslıhatynyń tóraǵasy Gýrbangýly Berdimuhamedovke vıdeo úndeý joldady, dep habarlaıdy "Adyrna" ulttyq portaly.
Ol olardy ótirik aıtty, el ekonomıkasyn quldyratty, bilim salasyndaǵy jemqorlyq, kedeı halyqtyń ómirine beı-jaı qarady dep aıyptady.
«Baıaǵynyń aqyndary aıtqandaı, kúnáǵa batqan baılar óz elin qurtyp jatqan zamanda ómir súrip jatqanyma qatty ókinemin. El basshylary, Berdimuhamedovter! Eldiń tabıǵı baılyǵyn óz múddelerińizge paıdalanyp, qajetsiz qurylystar salýǵa aqsha jumsap, el ekonomıkasyn kúıretip jatyrsyzdar. Kedeı kedeılenedi, seniń kináńnen mezgilsiz óledi. Sizder densaýlyqty qurttyńyzdar jáne adamdardyń ómir súrý uzaqtyǵy kúrt qysqardy. Bazarlardaǵy ónimniń kóptigin aıtasyz, biraq onyń baǵasy halyqtyń basym bóligine qoljetimsiz. Halyqtyń jartysy tipti nanǵa da aqsha taba almaı, joqshylyqta kúneltip júr. Teledıdardan halyqtyń taýyq etimen qamtamasyz etilgenin aıtady. Bul eń arzan et ónimi. Biraq is júzinde olaı emes. Qazir kún sýyqta taýyq etin nemese jumyrtqa satyp alý úshin halyq kezekke turýda. Biraq bul ónimder Iran men Túrkııadan da jetkiziledi. Eldi tipti óz ónimderińizben de qamtamasyz etip otyrǵan joqsyz. Halyq qoljetimdi baǵadaǵy negizgi azyq-túlik ónimderimen – un, nan, taýyq eti, jumyrtqamen qamtamasyz etilmegen" dep barlyq máselelerdi tizip berdi Achılova.
Sondaı-aq, ol eldegi aýyz sý jetispeýshiligi máselesin de alǵa tartyp, eldiń jutap bara jatqanyn aıtty.
"Halyq jutap barady. Al siz bolsańyz ótirik esepterge qýanyp júrsiz. Berzengidegi bas jáne moıyn emdeý ortalyǵynda tósek-oryndarda matratar men jastyqtar joq, naýqastar tósek-oryndaryn, tipti dári-dármegin de ózimen birge alyp kelýi kerek. Sonymen qatar, olardan joq azyq-túlik úshin aqsha suratýda" dep qosty ol.
"Ákeli-balaly Berdimuhamedovter, halyqtyń azaby úshin, ýaqyt kelgende, senderdi eshteńe qutqarmaıdy. 52 qajylyq jasasań da. Halyqqa jasaǵan qııanattaryń úshin jaýap berýge týra keledi. Muny este saqtańyz. Sizdi Mekkege qajylyqqa barý jáne qarapaıym halyqtyń qaltasynan alatyn aqshalaryńyz (sadaqalaryńyz) qorǵamaıdy. Siz qamqorlyqqa muqtaj balalarǵa kómek kórsetý qoryn qurdyńyz. Biraq ony tolyqtyrý úshin halyqtan aqsha alyp jatsyz. Tabıǵı resýrstarǵa baı elde shynymen muqtaj adamdar bolýy múmkin be? Qamqorlyqqa muqtaj balalar bar ma? Siz óz áreketterińizden uıalmaısyz ba?» dedi áıel prezıdentke.
Tolyǵyraq vıdeoda:
