Medisinalyq qyzmetterdıŋ sapasyn arttyru üşın 2023 jyly MSAK (alǧaşqy medisinalyq-sanitarlyq kömek) jaŋa bıryŋǧai standart engızu bastaldy. Būl turaly OKQ brifingınde qala äkımı Erbolat Dosaev mälımdedı.
Jaŋa standarttar boiynşa Äuezov jäne Jetısu audandarynda 2 MSAK ortalyǧy jäne 1 jaŋa emhana aşyldy. Taǧy 4 MSAK ortalyǧynyŋ qūrylysy jürgızılude, sondai-aq 11 MSAK ortalyǧy men emhanalardyŋ qūrylysyna JSQ äzırlenude.
4 jaŋa stasionar saluǧa, 5 qoldanystaǧy auruhana men 5 jedel medisinalyq kömek qosalqy stansiiasyn jaŋǧyrtuǧa JSQ äzırleu bastaldy.
Kadrlyq äleuettı arttyru üşın respublikanyŋ ǧylymi ortalyqtarynyŋ bazasynda, Germaniia, İzrail, Türkiia klinikalarynda 3 340 därıger qaita daiarlaudan öttı. Rezidentter üşın 136 grant, orta medisinalyq personal üşın 1 116 grant bölındı.
Jalpy, densaulyq saqtau salasyn qarjylandyru 2023 jylǧy 36,5 mlrd. teŋgeden 2024 jyly 41,0 mlrd. teŋgege deiın 12,3% - ǧa ūlǧaiady.
Almatyda MSAK bıryŋǧai standarty qala basşysy Erbolat Dosaevtyŋ tapsyrmasy boiynşa aldyŋǧy qatarly halyqaralyq täjıribe negızınde äzırlendı. Ol medisinalyq kömek körsetu reglamentterıne, jobalyq-tehnologiialyq şeşımderge, sifrlandyruǧa jäne emhanalardyŋ menedjmentıne 4 negızgı kriterii boiynşa tübegeilı özgerıster engızudı közdeidı, olar: qoljetımdılık, sapa, tehnologiialylyq jäne jailylyq.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz