İranda «bala kelın» atanǧan 29 jastaǧy Samira Sabzian darǧa asyldy. Ol 10 jyl būryn ölım jazasyna kesılgen. Būl turaly The Times basylymy Iran Human Rights qūqyq qorǧau ūiymyna sılteme jasap jariialady, dep habarlaidy “Adyrna” ūlttyq portaly.
2009 jyly 15 jasar Samira jasy ülken adamǧa tūrmysqa şyǧuǧa mäjbür bolyp, tuystarynyŋ aituynşa, keiınnen jüielı türde tūrmystyq zorlyq-zombylyqqa tap bolǧan. 19 jasynda oǧan küieuın öltırdı degen aiyp taǧyldy. Sot ölım jazasyn taǧaiyndady, bıraq onyŋ oryndaluy biurokratiialyq sebepterge bailanysty jüielı türde keiınge qaldyryldy. Boijetken qataŋ rejimdegı türmege jıberılıp, 10 jyl boiy ölım jazasyn kütumen boldy.
Tūtqynǧa alynǧan kezde Samira Sabziannyŋ ekı balasy jäne ışınde säbiı boldy. Oǧan balalarymen on jyldan keiın tek bır ret – jeltoqsan aiynyŋ basynda, ölım jazasyna kesılgenge deiın kezdesuge rūqsat berıldı.
Aita keteiık, İranda qyzdardyŋ zaŋdy nekege tūru jasy 13 jas, bıraq äkesınıŋ nemese atasynyŋ kelısımımen olar odan da erte tūrmysqa şyǧa alady.
Qūqyq qorǧauşylardyŋ aituynşa, İran äielderdı ölım jazasyna kesu boiynşa älemdık rekordqa ie. Olardyŋ mälımetınşe, Samira Sabzian 2023 jyldyŋ basynan berı darǧa asylǧan on jetınşı äiel boldy.
