Ózbekstan ekologııa mınıstriniń keńesshisi, Rasýl Kósherbaev Reseıge Ortalyq Azııa memleketterin qosý ıdeıasyn usynǵan reseılik jazýshy Zahar Prılepınge jaýap berdi, dep habarlaıdy «Adyrna» tilshisi.
«Prılepın myrza men Ózbekstandy basyp almaqshy bolyp jatqan basqalarǵa, eń aldymen, óz tilderinde poshıol na h.… Ókinishke qaraı, reseılik saıasatkerlerdiń mundaı málimdemeleri jıilep, tipti múlde azaımaı otyr. Bul alańdatady»,— dedi ol óziniń telegram arnasynda.
Aıtýynsha, ózbek halqy el táýelsizdigin saqtaý qalý úshin birige alady.
«Ózbekter basqa maqsatta birikpese de, eldiń táýelsizdigin saqtaý úshin birige alady. Kreml ulttar arasynda soǵys pen dushpandyq týdyratyn mundaı shovınısterge zańdy shara qoldanýy kerek. Áıtpese, Ózbekstanǵa basyp kirýdi kópshilik Reseıdiń bolashaq strategııalyq jospary dep esepteıdi»,- dep jazdy Kósherbaev.
Rasýl Kósherbaev budan aldyn parlament depýtaty bolǵan. Ol parlament qabyrǵasynda tabandy málimdemeler jasap, ustanymyna berik saıasatker retinde este qalǵan.
