Túrkistan oblysy, Qazyǵurt aýdanynda bir jasar bala dárethana shuńqyryna qulap ketken, dep habarlaıdy «Adyrna» ulttyq portaly «Otyrarǵa» silteme jasap.
Balany úlken aǵasy aman alyp qaldy.
Oqıǵa anasy kenje ulynyń aýlasynda joqtyǵyn baıqaǵan kezde bolǵan. Náresteni dárethananyń tereń shuńqyrynan qutqarý úshin ata-anasy 10 jastaǵy úlken aǵasynyń kómegine júgingen. Beline arqan baılanǵan ol septıkke túsip, balany shuńqyrdan shyǵardy.
Osy erligi úshin Túrkistan oblysynyń tótenshe jaǵdaılar basqarmasy tórtinshi synyp oqýshysyna alǵys aıtyp, alǵys hat tabys etti.
Bul bıyl Qazaqstanda kóshedegi dárethanalardyń kesirinen tirkelgen birinshi jaǵdaı emes. Jazda Oralda da osyndaı oqıǵa tirkelip, ókinishke qaraı, onyń sońy qaıǵyly aıaqtaldy: eki jasar qyz kóshedegi dárethananyń shuńqyrynan óli kúıinde tabyldy.
«Adyrna» ulttyq portaly
