9 mausym - sailau künı künı jelı qoldanuşylarynyŋ qyzu talqysyna tüsken jıgıttıŋ kım ekenı belgılı boldy. Sarbazǧa gül syilaǧan büldırşınnıŋ anasy jelıde jaŋa jazba qaldyryp, ondaǧy symbatty jıgıttıŋ kım ekenın aitqan dep habarlaidy.
9 mausym künı ekı jasar büldırşınnıŋ arqasynda bükıl elge tanylǧan jıgıttıŋ aty-jönı – Şamil Hasanov bolyp şyqty."Kışkentai qyzym men myna symbatty jıgıttıŋ jelıde keŋınen tanylyp, jürekterıŋızdıŋ tübınen oryn alǧanyna 3 kün uaqyt öttı. Jelıde menen surettegı jıgıttıŋ aty-jönın, äleumettık jelılerdegı paraqşalararyn, tıptı nomerın sūraǧan qyzdar köp boldy.
Tıptı özın Şamilmın dep tanystyrǧan da tabylyp jatty. Maǧan künı keşe ǧana Şamildıŋ jaqyndary habarlasyp, män-jaidy anyqtap jazuymdy ötındı. Solardyŋ rūqsatymen tömengı postty jazyp otyrmyn.
Halaiyq fotodaǧy jıgıt pen eŋ ädemı külkınıŋ iesı – Şamil Hasanov. Osy qarapaiym jıgıt özınıŋ ınısı arqyly maǧan habar jetkızdı.
"Ol menımen jäne qyzymmen kezdesuge daiyn ekenın aitqan. Qūdaiǧa şükır sol suretke qatysty qandai da bır tüsınıspeuşılıkter oryn almapty. Şyny kerek men sol üşın qatty uaiymdaǧan edım. Osy üşın Ūlttyq ūlanǧa jäne osyndai jıgıttı tärbielegen onyŋ ata-anasyna zor alǧysymdy aitamyn...", - dep jazbany bastaǧan ol.
Jazba soŋynda balaqaidyŋ anasy sol künı özderınen terıs ainalmaǧan tärtıp saqşysyna öz alǧysyn aitqan. "Şamil osy postty oqisyz degen senımdemın. Sızge sol künı bızden terıs ainalmai, kışkentaiymnyŋ gülın qabyl alǧanyŋyzǧa rahmet aitamyn. Sızge osy ömırde bar bolǧanyŋyz üşın, osyndai jylylyq syilaǧanyŋyz üşın alǧys aitamyn. Özıŋızben kezdesemız dep senemın, būl joly da qyzym sızge taǧy da bır şoq gülın äkeletın bolady", - degen ol.
Jelı qoldanuşylary atalǧan jazbaǧa qatysty jyly lebızlerın jaudyryp jatyr. Olar "Jaraisyz", "Kezdesıp, sälemımızdı aitarsyz", "Jıgıtter jasasyn" degen pıkırlerın jarysa jazǧan.
Aita keteiık būǧan deiın sailau künı poliseige gül syilaǧan büldırşınnıŋ suretı köptıŋ qyzu talqysyna tüsken edı. Jetkınşektıŋ anasy sol künı osy oqiǧanyŋ qalai bolǧanyn baiandap bergen.
