Keshe, 25 jeltoqsanda Qasym-Jomart Toqaev Joǵary Eýrazııalyq ekonomıkalyq keńestiń otyrysyna qatysty, dep habarlaıdy «Adyrna» ulttyq portaly Aqorda telegram-arnasyna silteme jasap.
Memleket basshysy óz sózinde qonaqjaılyq kórsetip, jıyndy joǵary deńgeıde uıymdastyrǵany úshin Reseı tarapyna jáne Vladımır Pýtınge alǵys aıtty. Prezıdent osy jyldyń ońaı bolmaǵanyn, ásirese, jahandy jaılaǵan turaqsyzdyqtyń kúsheıe túskenin atap ótti.
– Inflıaııanyń qysymy, halyqaralyq logıstıkalyq tizbekterdiń transformaııasy, aımaqtardaǵy qaqtyǵystar, sankııalyq teketirester – bul álemdik ekonomıkanyń damý qarqynyn báseńdetetin faktorlardyń bir parasy ǵana. Osyndaı kúrdeli jaǵdaıda Qazaqstan jyldyq ekonomıkalyq ósimdi 4,9 paıyz kórsetkishpen qorytyndylaýdy josparlap otyr. «Eýrazııalyq bestikke» kiretin barlyq elde oń dınamıka baıqalatyny qýantady. Áıtse de ekonomıkamyzdyń ornyqty damý traektorııasyn saqtaý úshin 2024 jyldyń syn-qaterlerine birlese daıyndalýymyz kerek. Sarapshylar boljamyna sáıkes kelesi jyly jahandyq ekonomıka birqalypty, tipti baıaý qarqynmen, ıaǵnı 1,5 paıyzdan 3 paıyzǵa deıin ósedi. Naryǵynyń kólemi 2,6 trıllıon dollarǵa teń Eýrazııalyq ekonomıkalyq odaq álemdik ekonomıkanyń ajyramas bóligi retinde ósimniń báseńdeýin sezinýi múmkin. Sondyqtan biz qazirgi ekonomıkalyq rezervti jáne ózara tıimdi ıntegraııanyń qolda bar áleýetin barynsha jumyldyrýymyz qajet. Qazaqstan áýel bastan Odaqtyń ekonomıkalyq sıpatyn aıqyndaıtyn qaǵıdatty berik ustandy. EAEO-ǵa múshe memleketter óz isteri men sheshimderinde dál osy kún tártibinen aýytqymaýǵa tıis dep sanaımyz, – dedi Qasym-Jomart Toqaev.
«Adyrna» ulttyq portaly
