Tiıstı qūqyqtyq-normativtık aktıler boiynşa äuejaidyŋ sanitarlyq qorǧau aimaǧy 100 metrge deiıngı qaşyqtyqty alyp jatuy şart. Oǧan äuejai maŋyndaǧy 139 gektar jer kıredı, dep habarlaidy «Adyrna» ūlttyq portaly Şymkent qalasynyŋ äkımı Ǧabit Syzdyqbekovtıŋ instagram paraqşasyna sılteme jasap.
«Sonymen qatar atalǧan aimaqtaǧy 307 jer telımınde tūrǧyn üiler ornalasqan. Atalǧan mäselenı şeşu maqsatynda, 307 jer telımın memleket mūqtajyna qaitaryp alu jönınde qauly qabyldanǧan bolatyn. Alaida, baǧalau jūmystary būl maqsatqa 30 milliard teŋge qajet ekenın körsettı. Nätijesınde, memleket mūqtajyna qaitaryp aludyŋ qala biudjetıne salmaq tüsıretını anyqtaldy. Sol sebeptı, Şymkent äuejaiyna sanitarlyq qauıpsızdıktı qamtamasyz etetın qaşyqtyqtan jaŋa ūşu-qonu jolaǧyn salu turaly şeşım qabyldandy. Osyǧan orai, jobalyq-smetalyq qūjattardy äzırleu üşın «Qazaq City Stroy» JŞS-ımen memorandum tüzıldı. Äuejaidaǧy jaŋa ūşu-qonu jolaǧynyŋ ūzyndyǧy — 3 300 metr, al, enı — 45 metr bolady. Nätijesınde, halyqtyŋ baspanasy būzylmaidy. Memleket qarjysy da ünemdelıp, äuejai zamanaui ūşyp-qonu jolaǧyna ie bolady», - dedı äkım.Ūqsas jaŋalyqtar
