Jas aqyn Qūrbangül Aǧabek 1996 jyly mausym aiynyŋ 21 jūldyzynda OQO, Arys özenınıŋ boiynda düniege kelgen. Qazaq Memlekettık qyzdar pedagogikalyq universitetınıŋ tülegı. Qazırgı taŋda Ile audany, Yntymaq auylynda ornalasqan №46 mekteptıŋ ūlaǧatty ūstazy. Oqyrman nazaryna jas aqynnyŋ juyq arada jazǧan tuyndylaryn ūsynamyz.
Büldırgen balalyq
Auyl keşın saǧynam jaidary baq,
Būlaq aǧyp jatatyn saiǧa qūlap.
Sanamyzda säbilık, balalyq bar,
Büldırgenge şyǧamyz sailanyp ap.
Sekıldı bop qūrbydan qalys qalmaq,
Jan ūşyra jügırıp namysty oilap.
Balalyqta büldırgen teruşı edık,
Toǧai ışın nu jaǧa Arys boilap.
Bır auyldan şyǧamyz ūl, qyz bolyp,
Ketetındei şynymen myŋdy ozdyryp.
Jaǧalasyp örıspen qaituşy edık,
Aspanyma jatqanda jūldyz qonyp.
Qazırgı ömır basqaǧa kettı auysyp,
Balalyǧym basymnan kettı au ūşyp.
Qaituşy edık toǧaidan az-maz tergen
Büldırgendı jol boiy jep tauysyp.
Sökpeuşı edı äjemız, anamyzda,
Senıp ösken bala edık san aŋyzǧa.
Qazaq jerı keŋ deuşı ed äjem jiı,
Nege erkındık joq bızdıŋ qalamyzda?!
Auyl keşın saǧynam jaidary baq,
Būlaq aǧyp jatatyn saiǧa qūlap.
Keide ainadan büldırgen qyzdy ızdeimın,
Bırtürlı bır tūlǧaǧa ainalyp ap.
Syltau
Senı körsem baqytty bop marqaidym,
Quanyşqa ainalǧandai bar qaiǧym.
Jalynym-au, körmegelı özıŋdı,
Jüzı bopty jarty aidyŋ...
Aŋsarlyqqa täueldı etıp jandy ar, mūŋ,
Janarymdy jylauyq qyp alǧan kım?
Öleŋ terıp saǧynyştyŋ elınen,
Şabytyma aldandym...
Hat, habarsyz sezımıme şek qyldyŋ,
Qylyǧyna qyzyǧuşy em tektı ūldyŋ.
Jarty ai jürıp syltau ızdep taptym da,
Esıgıŋe kep tūrmyn...
Jūbatatyn jalǧyz sensıŋ jandy şyn,
Öleŋ boldy aitar saǧan alǧysym.
Qaltyraǧan qolym esık qaǧyp tūr,
Tuk! Tuk!
- Armysyŋ!
☆★☆
Sızde, men de bır baqytty sezemız,
Bıraq, nege ūmtylu joq.?
Belgısız!
Jaǧalauǧa taiau tūr ǧoi kememız,
Qol sozyŋyz, endı sız!
Jüregıme nūr qūiady reŋ bere,
Janymyzǧa jylu syilap jaryq kün.
Sezımımdı sezdırmei eş pendege,
Jasqanudan jalyqtym..
Baq qonar ma basymyzǧa bızge attas,
Kei öleŋde oqyrmannan jaqynsyz.
Tırşılıkte qairattysyz mız baqpas,
Al sezımde batylsyz...
Aitqym keldı özıŋ jaily jar salyp,
Maqtanyş qyp barlyǧyna ortanyŋ.
Keide sızdı syilasamda sonşalyq,
"Aǧa!" - deuge qorqamyn...
Janaryŋmen jyrǧa toly janyŋmen,
Nūr syilaisyŋ tüsten bölek bar öŋge.
Bır bolaiyq jyrlarymmen, änıŋmen,
Qūpiialy älemde...
***
Dosyŋ bolsam rūqsat pa dep sūraisyz,
Sypaiysyz, sonyŋyzben ūnaisyz.
Körşı otyryp kölık ışı köp qarap,
Sözıŋızben synaisyz...
Jyly jüzıŋ meiır tūnǧan janaryŋ,
Ǧaşyqtyqtyŋ aitatyndai bar änın.
Jiı oiyma elesteitın tünderde,
Sız be ekensız qalauym?!.
Maǧan jaqyn jerde jiı jüresız,
Menı syrttai baqylaisyz, bılesız.
Kezdesude jaŋa tanys adamdai,
Senı ūzaq ızdedım dep külesız?!.
Bız jolyqsaq jaŋbyr jauyp ketedı,-
Degenıŋız janǧa jylu etedı.
Sol jauynnyŋ astyna qol ūstasyp,
Tym alysqa ketıp qalsaq netedı?..
San türlı oi sanamyzda egestı,
Köŋılıŋız bolmasynşy kömeskı.
Syilasuǧa jaqyn ärı dos bolyp,
Rūqsat kerek emestı!..
***
Terezeden qoidyŋ menı küttırıp,
Janaryma qaldy qanşa şyq tūnyp.
Süie tūra sertten taia salǧanyŋ,
Myqtylyq!
Saǧan qalai meiırımdı tüsırem?
Taŋdap alǧan jan eŋ köptıŋ ışınen.
Ūǧynuǧa menı şamaŋ jetpedı,
Tüsınem!
Qalauyŋnyŋ jasai almai qanşama,
Jürgenıŋdı elemedım jan sala.
Erkındıktı serık ete almasaŋ,
Aŋsama!
Kesırıŋnen kesılıptı güldei mūŋ,
Köŋılıme kelıp qondy üidei mūŋ.
Saǧan öleŋ jazǧandyǧym bolmasa
Süimeimın!
Qūrbangül AǦABEK
"Adyrna" ūlttyq portaly
