"Ökınışke orai, jaǧdai qiyn, problemalar jinalyp qalǧan. Soŋǧy 30 jylda äsırese ǧylym salasynda jinalyp qalǧan problemalar öte köp. Bıraq ministrlıktıŋ naqty sol problemalardy şeşuge uaqyty da, zeiını de, kadry bar. Eŋ bastysy Prezidenttıŋ qoldauy, äsırese qarjy tūrǧysynan bar. Bır ǧana faktpen bastaiyn. Qazaqstanda Otandyq ǧylym soŋǧy 30 jylda qausap, qarjylandyrudan tys qalǧan. Sondyqtan Prezidenttıŋ qoldauymen kelesı 3 jyldaǧy ǧylymi zertteulerge, jobalarǧa, ızdenısterge 643 mlrd teŋge bölındı. Būl 30 jyldyŋ ışınde bolmaǧan jaǧdai! Bız JIÖ 100-den 25%-ǧa jetıp otyrmyz. Älemdık, halyqaralyq täjıribede ǧylymyŋyzdy saqtap qalǧyŋyz kelse 1%-ǧa jetkızu kerek. Bız ekı jyl kölemınde osy jetıstıkke jettık. Älı de būl statistikany arttyruǧa ümıt bar", - dedı ministr.Ministr baǧdarlama barysynda qazaqstandyq ǧalymdardyŋ jetıstıkterımen de bölıstı.
"Onkologiialyq preparatymyz bolady, Qazaqstanda jasalǧan. Almatydaǧy onkologiia jäne radiologiia ǧylymi-zertteu institutyndaǧy 15 adamnyŋ eŋbegı bar. Mūnyŋ da özındık satysy bar. 1-2 jyldyŋ ışınde özımızde, Qazaqstanda jasalǧan preparatymyz bolady," - dedı Saiasat Nūrbek.Ministrdıŋ mälımetınşe, biylǧy jyl qazaqstandyq oqu oryndaryna qolaily jyl bolǧan. Sebebı älemdık QS reitingıne Qazaqstandyq 21 JOO kırgen. Al Times higher education reitingınde 29 JOO bar eken.
"Basty maqsatymyz sannan sapaǧa qarai köşu. Bızdıŋ joǧary oqu oryndaryndaǧy ūstazdar, professorlarymyzdyŋ jalaqysy da ösedı", - deidı ministr.
Ūqsas jaŋalyqtar
