Qazaqstan Kaspii teŋızınıŋ ekologiialyq jaǧdaiyn baqylau jūmystaryn küşeitu maqsatynda şamamen 2,36 million dollar bölıp, ǧylymi-zertteu jūmystaryna qajettı zamanaui jabdyqtar satyp almaq, dep habarlaidy "Adyrna" ūlttyq portaly.
Ükımet mälımetınşe, qarjy memlekettık rezervten Kaspii teŋızın zertteu baǧytynda jūmys ısteitın ǧylymi ūiymǧa bölıngen. Jaŋa qūraldar teŋızdegı ekspedisiialar kezınde jäne mamandandyrylǧan gidrobiologiialyq, gidrohimiialyq zerthanalarda qoldanylmaq. Qazır Qazaqstannyŋ Kaspii bölıgınde qorşaǧan ortanyŋ jaǧdaiy bırneşe baǧyt boiynşa tūraqty baqylanady. Mamandar aua raiy men su deŋgeiınen bastap, sudyŋ himiialyq qūramyn, biologiialyq körsetkışterdı jäne teŋız tübındegı şögındılerdı zertteidı. Jalpy monitoring 50 körsetkıştı qamtidy. Jaǧalau aumaǧynda taǧy 26 parametr boiynşa baqylau jürgızıledı. Zertteu jūmystary teŋızdegı arnaiy stansiialardy da qamtidy. Biyl 21 stansiiada ekı ǧylymi ekspedisiia ötkızu josparlanǧan. Būǧan qosa, jaǧalaudaǧy 22 nüktede tūraqty baqylau ūiymdastyrylǧan.
Kaspiidıŋ ekologiialyq mäselelerı bır ǧana eldıŋ aumaǧymen şektelmeitındıkten, Qazaqstan basqa da Kaspii maŋy memleketterımen bırlesken jūmystardy jalǧastyryp keledı. Qazır taraptar teŋızdegı özgerısterge beiımdelu jäne onyŋ ekojüiesın saqtau jönındegı ortaq ıs-qimyl josparyn talqylauda.
Josparǧa elder arasyndaǧy ǧylymi aqparat almasu, zertteu nätijelerın üilestıru jäne Kaspiidıŋ tabiǧi resurstaryn qorǧauǧa baǧyttalǧan bırlesken şaralar engızıluı mümkın.
