Alkogoldi tutyný boıynsha Qazaqstan álemde 10-shy orynda tur. Bul týraly Úkimet otyrysynda ótken esep berý barysynda QR Densaýlyq saqtaý mınıstri Ajar Ǵınııat málimdedi, dep habarlaıdy “Adyrna” ulttyq portaly.
«DDSU zertteýine sáıkes, 15 jastan asqan adamdar arasynda alkogoldi tutyný deńgeıi erler úshin jylyna 25 lıtr, áıelder úshin - 9 lıtr. Mysaly, jol-kólik oqıǵalary, túrli tóbeles, jaraqattar, zorlyq-zombylyq, ýlaný, sýǵa ketý jáne t.b. alkogoldi ishimdikterdi paıdalanýdyń kesirinen oryn alady», - dedi mınıstr.
Sondaı-aq mınıstr elimizdegi temeki ónimderin tutyný deńgeıine toqtaldy.
«Qazaqstan Respýblıkasynyń eresek turǵyndary arasynda temeki shegý, DDU zertteýi boıynsha 15 jastan asqan adamdar arasynda 21,5% quraıdy, al erler arasynda 38% astam, áıelderde — 6,4%. Temeki shegýdi bastaýdyń ortasha jasy 17-den 18 jasqa deıin», - dedi basqarma basshysy.
“Adyrna” ulttyq portaly
