Jetısu oblysynda iadrolyq materialdarmen zaŋsyz ainalysyp, olardy Qazaqstan aumaǧynan kontrabandalyq jolmen şyǧaruǧa ärekettengen alty adamǧa qatysty sot ükımı jariialandy, dep habarlaidy "Adyrna" ūlttyq portaly.
Panfilov audandyq sotynyŋ mälımetınşe, aiyptaluşylar iadrolyq materialdardy zaŋsyz saqtau, tasymaldau jäne ötkızu, kontrabandaǧa oqtalu, qyzmettık babyn paidalana otyryp jymqyru baptary boiynşa jauapqa tartylǧan. Tergeu barysynda anyqtalǧandai, küdıktıler aldyn ala söz bailasyp, uran konsentratyn zaŋsyz iemdenıp, ony Qytaiǧa şyǧarudyŋ shemasyn ūiymdastyrǧan. Olar materialdardy öndırıs ornynan jasyryn alyp şyǧyp, saqtap, bırneşe adam arqyly tasymaldap, memlekettık şekaradan ötkızudı közdegen.
Alaida zaŋsyz äreket «Nūr Joly» ötkızu punktınde toqtatyldy. Şekaralyq baqylau kezınde radioaktivtı zat anyqtalyp, jürgızılgen saraptama onyŋ uran konsentraty ekenın jäne radioaktivtılık deŋgeiı belgılengen normadan bırneşe ese joǧary bolǧanyn körsettı.
Sot şeşımımen üş adam kınälı dep tanylyp, ärqaisysy 7 jyl 6 aiǧa bas bostandyǧynan aiyryldy. Taǧy ekı sottaluşy 2 jyl 6 aiǧa, al bır aiyptaluşy 4 jyl 6 ai merzımge sottaldy. Barlyq sottalǧandar jazalaryn ortaşa qauıpsızdık deŋgeiındegı qylmystyq-atqaru jüiesı mekemelerınde öteitın bolady.
Qazırgı uaqytta sot ükımı zaŋdy küşıne engen joq.
