Mäskeude Qazaqstan Respublikasy Sybailas jemqorlyqqa qarsy ıs-qimyl agenttıgınıŋ töraǧasy Ashat Jūmaǧalidıŋ Reseidıŋ Bas prokurory İgor Krasnovpen ekıjaqty kezdesuı öttı, dep habarlaidy «Adyrna» tılşısı Antikordyŋ baspasöz qyzmetıne sılteme jasap.
Kezdesu barysynda ekıjaqty yntymaqtastyqtyŋ, onyŋ ışınde özara qūqyqtyq kömek körsetu, sifrlyq şeşımderdı paidalanu, adamdardy ızdestıru, oqytudy ūiymdastyru, bırlesken jobalardy ıske asyrudyŋ basym mäselelerı talqylandy.
Zaŋsyz satyp alynǧan aktivterdı memleketke qaitaru, olardy qarjylyq tergeu jürgızu kezınde anyqtau mäselelerıne erekşe nazar audaryldy.
«Bız Agenttıktıŋ jūmysynda aldyn alu jäne qylmystyq-qūqyqtyq qūraldardyŋ teŋgerımın sanaly türde qamtamasyz etuge tyrysamyz, jemqorlyqsyz qoǧam qūru maqsatynda azamattarmen belsendı qarym-qatynas jasaimyz. Bız özara ıs – qimyl üşın aşyqpyz jäne bırlesken jobalardy ıske asyruǧa daiynbyz», - dedı Ashat Jūmaǧali.
Ekıjaqty kezdesudıŋ qorytyndysy boiynşa ekı eldıŋ organdary arasynda özara tüsınıstık turaly Memorandumǧa qol qoiyldy.
