"NeMolchı.kz" qorynyń basshysy Dınara Smaıylova, ıaǵnı Dına Tańsári esimimen belgili belsendi alaıaqtyq boıynsha qozǵalǵan isterge qatysty túsinikteme berdi, dep habarlaıdy “Adyrna” ulttyq portaly.
Aıta keteıik, belsendiniń ústinen alty qylmystyq is qozǵalyp, onyń ekeýi "Alaıaqtyq" baby boıynsha tergelýde.
Tergeýshiler onyń qazaqstandyqtar zorlyq-zombylyq qurbandaryna kómekke aýdarǵan qordyń aqshasyn jeke qajettilikterine jumsaǵanyna sendiredi.
Osy jaıttardan keıin Dınara Smaıylova óziniń Facebook-paraqshasynda advokattardan kómek surady. Aıtýynsha, onyń jubaıy ekeýiniń shottary buǵattalǵan, sondyqtan olar aqyly zań kómegine júgine almaı otyr.
Jeli qoldanýshylary Dınara Smaıylovadan ne sebepti tergeýde aýdarymdar men shottardy, barlyq esepterdi bermeı jatqanyn surady. Biraq belsendi tergeýshiler tek keıbir posttardy ǵana iske qosqanyn aıtady.
“Barlyq esepshottar men aýdarymdar bar, biraq olar meni tipti suramady, istiń bastalǵanyn habardar etpedi, meniń dálelderimdi tyńdamady, esepterimdi zerttemedi. Olar tek esepter joq tańdaýly posttardy iske qosqan", — dedi ol.
Buǵan deıin “Ne molchı” qorynyń basshysy Dına Tańsárige izdeý jarııalanǵanyn habarlaǵan edik.
