Batys Qazaqstan oblysyndaǧy Şaǧatai auyldyq okrugı äkımı apparatynyŋ bas mamany 12 mln teŋgeden astam biudjet qarajatyn jymqyrǧan. Būl turaly oblystyq prokuraturanyŋ baspasöz qyzmetı aitty, dep habarlaidy «Adyrna» tılşısı.
Qyzmetker 2020 jyldan 2023 jylǧa deiıngı kezeŋde özınıŋ kartochkalyq şotyna zaŋsyz aqşa audaryp otyrǧan.
«Būl fakt Qylmystyq kodekstıŋ 189-babynyŋ 3-bölıgı boiynşa sotqa deiıngı tergep-tekserudıŋ bıryŋǧai tızılımıne tırkeldı. Keiınnen sotqa deiıngı tergep-tekserudı jürgızu üşın Batys Qazaqstan oblysy boiynşa Ekonomikalyq tergep-tekseru departamentıne joldanyp, tergeu nätijesı boiynşa ıs sotqa joldandy»,—delıngen habarlamada.
Sot ükımımen äkımdık qyzmetkerı 3 jylǧa bas bostandyǧynan aiyrylyp, qylmystyq-atqaru jüiesınıŋ ortaşa qauıpsız mekemesınde jazasyn öteu taǧaiyndaldy. Ükım zaŋdy küşıne engen joq.
