Soltústik Qazaqstan oblysynda eki elikti atqan tórt brakoner sottaldy, dep habarlaıdy «Adyrna» ulttyq portaly.
Astana qalasynyń eki turǵyny jáne eki soltústik qazaqstandyq Qyzyljar aýdanyndaǵy ulttyq tabıǵı parktiń aýmaǵynda eki elikti zańsyz atyp alǵan.
SQO prokýratýrasynyń málimetinshe, aıyptalýshylar óz kinásin moıyndamaǵan jáne istegen isterine ókinish bildirmegen.
Petropavl qalalyq soty tórt brakonerdi 3 jyldan 4 jylǵa deıin bas bostandyǵynan aıyrý jazasyn kesti. Sondaı-aq olardan keltirilgen materıaldyq shyǵyn - 4,5 mln teńge óndirilip alynady.
Úkim zańdy kúshine engen joq.
Budan basqa 53 sibir eligin zańsyz atqan uıymdasqan qylmystyq top quramyndaǵy 4 adamǵa qatysty is qaralyp jatyr. Qylmyskerler keltirgen shyǵyn 68 mln teńge.
2023 jyly SQO soty zańsyz ańshylyq úshin barlyǵy 12 is boıynsha 21 adamdy sottady.
«Adyrna» ulttyq portaly
