Óńirde tasqyn jaǵdaıy kúrdelenip barady. Búgin tańerteń Sergeev sý qoımasynda asyp tógilý 415 sm qurady. Bul týraly Soltústik Qazaqstan oblysynyń ákimi Ǵaýez Nurmuhambetov áleýmettik jelide jazdy, dep habarlaıdy “Adyrna” ulttyq portaly.
"Óńirde tasqyn jaǵdaıy kúrdeli bolyp barady. Búgin tańerteń Sergeev sý qoımasynda asyp tógilý 415 sm qurady. 2017 jylǵy tasqynnyń kórsetkishterinen áldeqaıda asyp tústi. Sondyqtan, eldi-mekender men oblys ortalyǵyn sýdan qorǵaý úshin kúni-túni is-qımyldar jasalýda. Eń bastysy turǵyndardy qaýipsiz jerge kóshirý jáne múlikti saqtaýǵa, úlken sýdyń kele jatqany týraly der kezinde aqparat berýge kóp kóńil bólý kerek", – dep jazdy SQO ákimi Ǵaýez Nurmuhambetov.
Oblysta memleket basshysynyń tapsyrmasyna saı jumys babymen premer-mınıstrdiń birinshi orynbasary Roman Sklıar júr. Birinshi vıe-premer tasqyn jaǵdaıyna baılanysty jınalys ótkizdi, strategııalyq mańyzy bar nysandar men bógetterdiń jaǵdaıyn tekserdi.
