Ūlttyq bank kelesı jylǧa arnalǧan «7-20-25» ipotekalyq nesielendıru baǧdarlamasy boiynşa qarjylandyru biudjetın jariialady dep habarlaidy «Adyrna» ūlttyq portaly qarjy retteuşısınıŋ baspasöz qyzmetıne sılteme jasap.
25 jeltoqsanda Ūlttyq bank kelesı jylǧa arnalǧan «7-20-25» ipotekalyq baǧdarlamasyn qarjylandyru turaly qauly qabyldady. Qūjatqa säikes, 2024 jylǧa arnalǧan baǧdarlama jyldyq qarjylandyru rūqsat etılgen şektı 100 mlrd teŋge deŋgeiınde belgılenıp, toqsan saiyn 25 mlrd teŋge kölemınde bölınedı. «Baǧdarlama boiynşa 2024 jylǧy 1 qaŋtardan bastap berılgen ipotekalyq qaryzdar boiynşa talap etu qūqyqtaryn senımgerlık basqarǧany üşın bankterdıŋ syiaqysyn jyldyq 3%-dan 2,5%-ǧa deiın tömendetu közdeledı. Būl tüzetu baǧdarlama operatory – «Qazaqstannyŋ ornyqtylyq qory» AQ men baǧdarlamaǧa qatysuşy bankter arasynda belgılenetın qūqyqtyq qatynastardy qozǧaidy jäne azamattardy kreditteu şarttaryna äser etpeidı.», — delıngen Ūlttyq banktıŋ saityndaǧy habarlamada. Qarjy retteuşısın aqparatynşa, 2023 jylǧy 28 jeltoqsandaǧy jaǧdai boiynşa baǧdarlama aiasynda 974,1 mlrd teŋge somasyna 71 699 jeŋıldetılgen nesie berılgen.«Adyrna» ūlttyq portaly
Ūqsas jaŋalyqtar
