Máskeýdegi qazaq qaýymdastyǵynyń basshysy Polat Jamalovqa qarsy Reseı armııasy týraly jalǵan málimetterdi taratý baby boıynsha qylmystyq is qozǵaldy, dep habarlaıdy "Adyrna" ulttyq portaly.
«Verstka» basylymy bul isti ótken jyldyń qyrkúıeginde Máskeýdiń soltústik-shyǵys okrýginiń asa mańyzdy isterin tergeý bólimi bastaǵanyn habarlaıdy. Bul oqıǵaǵa Jamalovtyń Facebook-tegi jazbasy sebep bolǵan. Jazbada 2022 jyldyń tamyz aıynyń ortasyna qaraı Ýkraınada 49 myńǵa jýyq reseılik áskerı adam qaza tapqany jáne Máskeý soǵystaǵy shyǵyndardy ashyp kórsetpeıtini týraly aıtylǵan.
Sondaı-aq BAQ 2022 jyldyń qańtarynda Qazaqstanda jappaı narazylyqtar men tártipsizdikter kezinde Jamalovtyń Reseı áskeriniń elge kirýin okkýpaııa dep ataǵanyn da atap ótedi.
Atalǵan bap boıynsha, Jamalov 15 jylǵa bas bostandyǵynan aıyrylýy múmkin. Reseı sottary Ýkraınaǵa basyp kirý týraly kez kelgen syndy jáne Kremldiń resmı ustanymyna sáıkes kelmeıtin soǵys týraly aqparatty jalǵan dep tanıdy.
"Adyrna" ulttyq portaly
