Qarjy vıe-mınıstri Erjan Birjanovtiń málimdeýinshe, aldaǵy ýaqytta taksı júrgizýshileri jeke kásipker retinde tirkelip, salyq tóleýi tıis, dep habarlaıdy "Adyrna" ulttyq portal
Endi taksı júrgizýshileri zań aıasynda jumys isteý úshin, jeke kásipker retinde salyq tóleý kerek ekenin atap ótti Erjan Birjanov Úkimettiń baspasóz ortalyǵynda.
"Qazir taksı júrgizýshileri úshin arnaıy salyq rejımi bar. Zańǵa sáıkes, olar jeke kásipker retinde tirkelip, mobıldi qosymsha arqyly 1% salyq tóleı alady. Talap boıynsha olar mindetti túrde salyq organdaryna kelip, tirkelýi kerek nemese mobıldi qosymsha arqyly onlaın (jeke kásipker bolyp) tirkele alady. Olarǵa jaǵdaı jasalǵan", - dedi Erjan Birjanov.
Sondaı-aq ol salyq kodeksine ózgerister engizilýi múmkin ekenin atap ótti.
"Taksı júrgizýshisi operator arqyly jumys istese, ol salyqty operator ustap, bıýdjetke aýdarsa, biz ony (salyq tóleý) mindetinen bosatýdy qarastyryp jatyrmyz. Qazir olar qyzmet atqaryp, qolma-qol aqsha alatyn bolsa, ondaı jaǵdaılar bizde jıi tirkelip jatyr. Operatorlar tarapynan mundaı júrgizýshilerdiń reıtıngi tómendep, tapsyrysy azaıýy múmkin. Sondyqtan olar (taksı júrgizýshileri) zańdy jerde jumys isteýi kerek dep oılaımyn», - dedi vıe-mınıstr.
Sonymen qatar vıe-mınıstr qarapaıym qazaqstandyqtardyń mobıldi aýdarymdary tekserilmeıtinin naqtylady.
«Jeke tulǵalarǵa mobıldi aýdarym boıynsha shekteý joq. Jeke tulǵalar burynǵydaı jeke maqsatta týystaryna, ata-analaryna mobıldi aýdarym arqyly aqsha jibere alady. Olarǵa shekteý qoıylmaǵan», - dedi ol.
"Adyrna" ulttyq portaly
