Qarjy vise-ministrı Erjan Bırjanovtıŋ mälımdeuınşe, aldaǧy uaqytta taksi jürgızuşılerı jeke käsıpker retınde tırkelıp, salyq töleuı tiıs, dep habarlaidy "Adyrna" ūlttyq portal
Endı taksi jürgızuşılerı zaŋ aiasynda jūmys ısteu üşın, jeke käsıpker retınde salyq töleu kerek ekenın atap öttı Erjan Bırjanov Ükımettıŋ baspasöz ortalyǧynda. "Qazır taksi jürgızuşılerı üşın arnaiy salyq rejimı bar. Zaŋǧa säikes, olar jeke käsıpker retınde tırkelıp, mobildı qosymşa arqyly 1% salyq tölei alady. Talap boiynşa olar mındettı türde salyq organdaryna kelıp, tırkeluı kerek nemese mobildı qosymşa arqyly onlain (jeke käsıpker bolyp) tırkele alady. Olarǧa jaǧdai jasalǧan", - dedı Erjan Bırjanov. Sondai-aq ol salyq kodeksıne özgerıster engızıluı mümkın ekenın atap öttı. "Taksi jürgızuşısı operator arqyly jūmys ıstese, ol salyqty operator ūstap, biudjetke audarsa, bız ony (salyq töleu) mındetınen bosatudy qarastyryp jatyrmyz. Qazır olar qyzmet atqaryp, qolma-qol aqşa alatyn bolsa, ondai jaǧdailar bızde jiı tırkelıp jatyr. Operatorlar tarapynan mūndai jürgızuşılerdıŋ reitingı tömendep, tapsyrysy azaiuy mümkın. Sondyqtan olar (taksi jürgızuşılerı) zaŋdy jerde jūmys ısteuı kerek dep oilaimyn», - dedı vise-ministr. Sonymen qatar vise-ministr qarapaiym qazaqstandyqtardyŋ mobildı audarymdary tekserılmeitının naqtylady. «Jeke tūlǧalarǧa mobildı audarym boiynşa şekteu joq. Jeke tūlǧalar būrynǧydai jeke maqsatta tuystaryna, ata-analaryna mobildı audarym arqyly aqşa jıbere alady. Olarǧa şekteu qoiylmaǧan», - dedı ol."Adyrna" ūlttyq portaly
Ūqsas jaŋalyqtar
