Ekonomist Maqsat Halyq Jarkenttegı taksi jürgızuşılerınıŋ ündeuıne qatysty pıkır bıldırdı. Ol pıkırın instagram paraqşasyna jariialady, dep habarlaidy "Adyrna" ūlttyq portaly.
Onyŋ aituynşa, Jarkent - depresivtı aimaqtyŋ qataryna kıredı.
"Keşelı berı estıp jatqan taksist azamattarymyzdyŋ ündeuıne qatysty ärtürlı pıkır bolyp jatyr. Menıŋ ekonomist-sarapşy retınde retınde aitar sözım bar. Eger esterıŋızde bolsa, osydan bıraz jyl būryn Masanchide bolǧan jaǧdai, onyŋ aldynda Molovodnyida bolǧan jaǧdailar. Ne sebepten ondai mäseleler tuyndaidy? Bırınşı kezekte Jambyl öŋırınde ortaşa jalaqy sol uaqytta eŋ tömen bolatyn. Iаǧni, depressivtı aimaq. Qazır Almaty oblysy men Jetısu oblysyn bölgennen keiın, Jetısu öŋırı depressivtı aimaqqa ainaldy. Būl öŋırde halyqtyŋ tabysy Respublika boiynşa salystyrǧan kezde, eŋ tömen bolyp tabylady. Sondyqtan da taksist bauyrlarymyzdyŋ sözınıŋ jany bar ekendıgın aitqym keledı. Sebebı, būl bırınşı kezekte, äleumettık jaǧdaimen bailanysty. Erteŋ osy öŋırde de ūltaralyq qaqtyǧystar bolyp jatsa, taŋ qalmaŋyzdar. Mūndai jerlerdı, depressivtı aimaqtardy aiqyndap, sol öŋırlerde halyqtyŋ tabysyn arttyruǧa memleket basa nazar audaru kerek. Äleumettık jaǧdaidy köteruge, memleketten bölınetın arnaiy qarajat jaǧy bolsyn, press-konferensiialar jaǧy bolsyn bırınşı kezekke qoiu kerek. Sol kezde ǧana öŋırlerde äleumettık teŋdık ornaidy. Halyqtyŋ jaǧdaiy öŋır aralyq ärtürlı bolmai jäne belgılı bır därejede eldıŋ damuyna özınıŋ ülesın qosatyn bolady. Osy mäselenı bızdıŋ şendıler esınde ūstaidy dep oilaimyn", - dedı ekonomist.Eske salaiyq, keşe Jarkent qalasyndaǧy bır top kölık jürgızuşıler qalaǧa syrttan kelıp kısı tasityndardy kırgızbeitının, "arty qantögıske ūlasuy mümkın" ekendıgın aityp, mälımdeme jasaǧn bolatyn.
Ūqsas jaŋalyqtar
