Tanymal marafonşy Marat Jylanbaevtyŋ ūly Rüstam Jylanbaev qazaqstandyqtarǧa ündeu jasady, dep habarlaidy «Adyrna» tılşısı.
Ol äkesınıŋ koloniiada öte auyr jaǧdaida jatqanyn jetkızdı.
«Eşkımdı öltırmedı, ūrmady, tonamady. Bıraq ony 7 jylǧa sottady. Qazır salmaǧy 45 kelı ǧana, özdıgınen jüre almaityn küide. Sot ısın qaita qarap, jazasyn jeŋıldetudı sūraimyn. Eŋ bolmasa, qalypty jaǧdai jasalsyn nemese basqa koloniiaǧa auystyrylsyn», — dedı Rüstam Jylanbaev.
Būǧan deiın Qazaqstan ışkı ıster ministrlıgıne qarasty Qylmystyq-atqaru jüiesı komitetı sottalǧan supermarafonşy Marat Jylanbaevtyŋ densaulyǧy qanaǧattanarlyq jaǧdaida ekenı turaly aqparat taratty.
Eske salaiyq, 2023 jyly Astana soty azamattyq belsendı Marat Jylanbaevty 7 jylǧa sottaǧan edı. Oǧan «tyiym salynǧan ūiymnyŋ qyzmetıne qatysty» jäne «ekstremizmdı qarjylandyrdy» degen aiyp taǧyldy.
Marat Jylanbaev — 1990 jyldary Qaraqūm, Sahara, Ülken Viktoriia jäne Nevada siiaqty eŋ ülken şölderdı basyp ötken älemdegı jalǧyz marafonşy. Ginnestıŋ rekordtar kıtabyna jetı ret engen.
