Qazaqstan Prezidentı Qasym-Jomart Toqaev «Qazaqstan Respublikasynyŋ keibır zaŋnamalyq aktılerıne densaulyq saqtau, oiyn biznesı jäne artyq zaŋnamalyq reglamentteudı bolǧyzbau mäselelerı boiynşa özgerıster men tolyqtyrular engızu turaly» Qazaqstan Respublikasynyŋ Zaŋyna qol qoidy. Būl turaly Aqorda jazdy, dep habarlaidy “Adyrna”.
Aqparatqa säikes, osy zaŋ arqyly «Halyq densaulyǧy jäne densaulyq saqtau jüiesı turaly» kodekske, «Jarnama turaly», «Oiyn biznesı turaly», «Mındettı äleumettık medisinalyq saqtandyru turaly» zaŋdarǧa tüzetuler enedı.
Tüzetulerdıŋ bırınşı blogy densaulyq saqtau salasyndaǧy jekelegen mäselelerdı şeşuge baǧyttalǧan. Dälırek aitsaq, endı onkologiialyq aurulardy erte anyqtauǧa arnalǧan skriningtık zertteuler kezınde ambulatoriialyq jaǧdaida berıletın mamandandyrylǧan medisinalyq kömek aiasyndaǧy zertteuler mındettı äleumettık medisinalyq saqtandyru jüiesınen alynyp, memleket kepıldık beretın medisinalyq kömektıŋ tegın kölemıne enedı.
«Ekınşı blokta bukmekerlık keŋseler men totalizatorlardy ūialy bailanystyŋ abonenttık qūrylǧylary, sondai-aq onlain-platformalar arqyly jarnamalauǧa tyiym salynǧan. Sonymen qatar bukmekerlık keŋseler men totalizatorlardy jarnamalau rūqsat etılgen būqaralyq aqparat qūraldarynyŋ şeŋberı taryldy, olar endı tek sporttyq baǧytta boluy kerek. «Oiyn biznesı turaly» Zaŋda bas bostandyǧyn şekteu türındegı jaza boiynşa sottalǧan nemese şartty türde sottalǧan adamdardyŋ qūmar oiyndarǧa jäne (nemese) bäs tıguge qatysuyna tyiym salu belgılengen», - dep habarlaidy Aqorda.
Ūqsas jaŋalyqtar
