Memleket basshysy Qasym-Jomart Toqaev elordanyń ındýstrııalyq parkindegi jetekshi kásiporyndarmen tanysty. Bul týraly Aqorda jazdy, dep habarlaıdy «Adyrna» tilshisi.
Prezıdent Astananyń mańyzdy nysandaryn aralaýdy, aldymen, №1 Indýstrııalyq parkten bastady. Munda Memleket basshysyna elordanyń ınvestıııalyq tartymdylyǵy jóninde málimet berildi.
Astana qalasy ákiminiń orynbasary Evgenıı Glotovtyń baıandaýynsha, alǵashqy jartyjyldyqta elordanyń aımaqtyq jalpy óniminiń kólemi 4,7 trıllıon teńgeni quraǵan. Ósim kórsetkishi – 4,1 paıyz. AJÓ qurylymyndaǵy úlestiń basym bóligi, ıaǵnı 73 paıyzdan astamy shaǵyn jáne orta bızneske tıesili. Al ınvestıııanyń úlesi – 11,5 paıyz.
Investıııa tartý isinde №1 Indýstrııalyq park aıryqsha ról atqarady. Munda jalpy ınvestıııa somasy 322 mıllıard teńge bolatyn 100 joba júzege asyrylyp jatyr. Park óndiris aýqymy jaǵynan respýblıkada birinshi oryn alady. Iske qosylǵan sátten beri óndiris alańynda 6,7 trıllıon teńgeniń ónimi shyǵarylǵan.
Prezıdent elordanyń damýyna iri óndiris oryndary asa qajet ekenin aıtty.
– Astana halqynyń sany ósip keledi. Taıaý jyldary 1,5-2 mıllıon adamǵa jetýi múmkin. Sondyqtan turǵyndardy, jastardy jumyspen qamtamasyz etýimiz kerek, – dedi Qasym-Jomart Toqaev.
