Qazaqstanda miting kezınde 4 myŋ adam ūstalǧan. Būl jönınde Işkı ıster ministrı Erlan Tūrǧynbaev mälımdedı. «Mausym aiynyŋ 9,10, 11 jäne 12-ı künderı Qazaqstan qalalarynda Bas prokuratura men IIM eskertuıne qaramastan zaŋsyz mitingter öttı. Şeruge şyqqan azamattar «Miting, şeru, demonstrasiia» turaly zaŋdy būzdy. Zaŋda qandai da bır miting ötkızbes būryn jergılıktı atqaruşy bilık organdarynan rūqsat alu kerektıgı jönınde anyq aitylǧan. Jergılıktı atqaruşy organdardyŋ rūqsaty boiynşa ǧana mitingter ötuı tiıs» - dedı Tūrǧynbaev. Ministrdıŋ sözınşe, polisiia qyzmetkerlerıne arnaiy qūraldar paidalanbauǧa būiyryq berılgen jäne miting kezınde 4 myŋǧa juyq adam ūstalǧan. «Polisiia tärtıpsızdıkterge qarsy qoldanatyn qūral-jabdyqtarmen qamtamasyz etılgen. Ol gaz balony, dubinka. Bıraq olar ony qoldanǧan joq. Tek fizikalyq küş körsetıldı. 4 myŋǧa juyq azamat ūstaldy» - dep mälımdedı Tūrǧynbaev. Vedomstva basşysynyŋ aituynşa, 3 myŋ adamǧa protokol toltyrylyp, sol sätte bosatylǧan. 677 adam sot şeşımı boiynşa qamauǧa alynǧan. 305 adamǧa aiyppūl salynǧan. Esterıŋızge salaiyq, mausym aiynyŋ 9,10,11,12-ı künderı aralyǧynda Almaty, Nūr-Sūltan (Astana), Şymkent, Aqtöbe siiaqty ırı qalalarda kezekten tys prezident sailauyna qarsy mitingter ötken. Oǧan myŋdaǧan adam qatysyp, aqyry jappai ūstalularǧa ūlasqan.
Derekköz: https://qazaqtimes.com/article/63997?fbclid=IwAR2PXFRHRNSZIoWm3LD3zBLJi3qWmGlfukU6iycjOqOAeUz0-G7H2eBnngY
"Adyrna" ūlttyq portaly
