Atyrauda sal auruyna şaldyqqan qyzdy zorlamaq bolǧan er adam sottaldy

2484
Adyrna.kz Telegram
https://adyrna.kz/content/uploads/2023/09/218e3cc5-db45-4f66-88ea-d8b7dbb7d860-960x500.jpeg?token=176e8739b576ea02153d4c78f182a438
Atyrauda serebraldy sal auruyna şaldyqqan 13 jastaǧy qyzdy zorlamaq bolǧan er adamǧa qatysty sot ükımı şyqty, dep habarlaidy «Adyrna» tılşısı. Oqiǧa 2022 jyldyŋ 6 jeltoqsanynda bolǧan. Būǧan deiın jaspöspırımnıŋ anasy qyzyn kölıkte qaldyryp, özı dükenge bırneşe minutqa kırıp ketkenın aitqan edı. Dükennen şyqqanda kölıgın tappai qalǧan. Patruldık polisiia basqarmasynyŋ qyzmetkerlerı ūrlanǧan kölıktı Atyrau qalasyndaǧy «Avangard» şaǧynaudanynan tapqan. Kölıktı 1988 jylǧy er adam ūrlap äketken. Poliseiler kölıktıŋ jük salǧyş bölıgınen küdıktını ūstady. Mamandar er adamnyŋ üstınde kiımı bolmaǧanyn mälımdedı. Al kölık salonynda 13 jastaǧy jasöspırım bolǧany anyqtaldy. 2023 jyldyŋ mausym aiynda Atyrau oblysynyŋ qylmystyq ıster jönındegı mamandandyrylǧan audanaralyq soty er adamǧa ükım şyǧardy. Ol zorlau äreketı jäne avtokölıktı aidap äketu boiynşa kınälı dep tanyldy. Oblystyq sottyŋ baspasöz qyzmetı būl ıstıŋ jabyq sot otyrysynda qaralǧanyn atap öttı. Sondyqtan ıstıŋ män-jaiy jariia etılmedı.
«Sottaluşynyŋ kınäsı kämeletke tolmaǧan jäbırlenuşınıŋ jäne onyŋ zaŋdy ökılınıŋ, kuägerlerdıŋ aiǧaqtarymen, oqiǧa bolǧan jerdı tekseru hattamasymen, saraptama qorytyndylarymen tolyq däleldendı. Aiyptaluşy özı kınäsın moiyndady. Sot ükımımen er adam 17 jylǧa bas bostandyǧynan aiyru jazasy taǧaiyndaldy. Sot ükımı zaŋdy küşıne endı»,—delıngen habarlamada.
Pıkırler